Latest News

Tuesday, December 27, 2016

Excellent dance performance by - Diksha for Dhruva song "Chusa Chusa" || TollyBeats 


Tuesday, July 19, 2016

నవ్వుల రారాజుకి జన్మదిన శుభాకంక్షలు | 26Pictures



నాలుగు దశాబ్ధాలు తెలుగుతెర రంగుల‌ ప్రపంచాన్ని... తనదైన‌ హాస్య చతురతతో అల‌రించిన ‘వన్‌ అండ్‌ ఓన్లీ కింగ్‌’ నవ్వుల రారాజుకి జన్మదిన శుభాకంక్షలు


((ఈరొజు (19-07-16) కామెడీకింగ్‌ రాజేంద్రప్రసాద్‌ బర్త్‌డే సంద‌ర్భంగా ఈ స్పెషల్‌ ఆర్టికల్‌))
=======================
ప్రొఫైల్‌
పేరు : గద్దె బాబూ రాజేంద్రప్రసాద్‌
జననం : 19 జూలై 1956
జన్మస్థలం : నిమ్మకూరు, కృష్ణా జిల్లా, ఆంధ్రప్రదేశ్‌, ఇండియా
తల్లిదండ్రులు : మాణిక్యాంబ, గద్దె వెంకట నారాయణ
చదువు : డిప్లమా ఇన్ సిరామిక్‌ ఇంజనీరింగ్‌
భార్య : విజయ చాముండేశ్వరి
కొడుకు, కోడలు: బాలాజీ, శివశంకరి
సినీ రంగప్రవేశం : బాపు చిత్రం ‘స్నేహం’
సినీ ప్రస్థానం : 4 దశాబ్దాల‌కు చేరువలో బహుముఖ ప్రజ్ఞ
చేసిన సినిమాలు : 232కి పైగా.. (తమిళంలో కొన్ని)..
హాలీవుడ్ సినిమా: క్విక్‌గన్‌ మురుగన్‌
బిరుదులు : నటకిరీటి, హాస్య కిరిటీ, కామెడీ కింగ్‌
పురస్కారం : ఆంధ్రా యూనివర్సిటీ నుంచి 1997 ఆగస్టు 27న గౌరవ డాక్టరేట్‌

అవార్డులు :
1991లో ‘పెళ్లి పుస్తకం`, 1993లో ‘మిస్టర్‌ పెళ్లాం’, 2015లో ‘మీ శ్రేయోభిలాషి’ చిత్రాలు ఉత్త‌మ చిత్రాలుగా నందులు దక్కించుకున్నాయి. ఉత్తమ నటుడిగా 1991లో ‘ఎర్ర మందారం’ సినిమాకు తొలి నంది అవార్డు ద‌క్కింది. ‘మేడమ్‌’ చిత్రానికి 1994లో నంది ప్రత్యేక జ్యూరీ అవార్డు, ‘ఆ నలుగురు’లో న‌ట‌న‌కు 2004లో ఉత్తమ నటుడిగా మరోసారి నంది అవార్డు అందుకున్నారు. ‘జులాయి’ సినిమాలో నటనకు 2013లో సౌత్‌ ఇండియన్‌ ఇంటర్నేషనల్‌ మూవీ సంస్థ ద్వారా బెస్ట్‌ యాక్టర్‌ ఇన్‌ సపోర్టింగ్‌ రోల్‌ అవార్డు చేజిక్కించుకున్నారు. 2013లో ‘ఓనమాలు’ చిత్రానికి గాను ‘బెస్ట్‌ ఔట్‌ స్టాండింగ్‌ ఆర్టిస్ట్‌’గా సినీ‘మా’ అవార్డు అందుకున్నారు.

ప్రస్తుతం : మూవీ ఆర్టిస్టు అసోసియేషన్‌ అధ్యక్షుడిగా బాధ్యతలు నిర్వ‌హ‌ణ‌..
ఆరాధ్య నటుడు : విశ్వవిఖ్యాత, పద్మశ్రీ నందమూరి తారకరామారావు
బలం : స్నేహశీలి, అందరి ఆత్మీయుడు.
తపన : తుదిశ్వాస వరకూ నటనే తపన, తపస్సు.

=====================================


‘‘ఆఫ్టర్‌ వన్ ఇయర్‌.. ఐ విల్ బి కింగ్‌’’ ఆ ఒక్క డైలాగ్‌తోనే ఆడియన్స్‌ పెదాల‌పై నవ్వులు పూయిస్తూ థియేటర్లలో హల్‌చల్‌ చేసిన కామెడీ కింగ్‌ ఆయన. కథానాయకుడి పక్కన నిల్చుని.. ఒళ్లంతా విరుచుకుని నవ్వించేందుకు నానాపాట్లు పడాల్సిన ప‌నే లేకుండా ఈ ‘తెర విదూషకుడి’ని సోలో హీరోని చేసి సైడ్‌ ట్రాక్‌లో ఉన్న కామెడీని మెయిన్‌ ట్రాక్‌లోకి తెచ్చి.. పద్నాలుగు రీళ్ల సినిమా అంతా హాస్యానికి పట్టాభిషేకం చేసిన నవ్వుల‌ రారాజు ఆయన. ‘ఆ ఒక్కటి అడక్కు’ సినిమాలో ‘ఆఫ్టర్‌ వన్‌ఇయర్‌..ఐ విల్‌బీ కింగ్‌’ అంటూనే.. ‘రాజ్యాలు కనుమరుగైన ప్రస్తుత ప్రజాస్వామ్య రాజ్యంలో నిర్దేశించుకున్న ల‌క్ష్యాన్ని ముద్దాడిన ప్రతిఒక్కడూ ‘మకుటంలేని మ‌హారాజే’ అన్న పచ్చి నిజాన్ని చాటి చెప్పిన ‘హాస్య కిరీటి’ ఆయన. రీల్‌లైఫ్‌లో ఆ చిత్రంలో అన్న ఆ మాటనే రియల్‌లైఫ్‌లో అనుస‌రిస్తూ సుమారు నాలుగు దశాబ్ధాలు తెలుగుతెర రంగుల‌ ప్రపంచాన్ని తనదైన‌ హాస్య చతురతతో అల‌రించిన ‘వన్‌ అండ్‌ ఓన్లీ కింగ్‌’ ఆయన. ఆయనే..  నటకిరీటి డాక్టర్‌ గద్దె బాబూ రాజేంద్రప్రసాద్‌.


రాజేంద్రప్రసాద్‌ పేరు విన‌గానే సామాన్యుడి నుంచి ప్రైమ్‌ మినిస్టర్‌ వరకూ హృదయాల్ని ఆహ్లాదపరుచుకుంటూ ఆనందగా నవ్వుకుంటారన్నది జగమెరిగిన సత్యం. రుజువు కావాలా? ఒకప్పటి మన ప్రధాని పీవీ నర్సింహారావుగారే స్వయంగా దైనందిన ఒత్తిడిని అధిగమించేందుకు అసలైన టానిక్‌ రాజేంద్రప్రసాద్‌ సినిమాలేనంటూ కితాబిచ్చారు. అంతేనా? ఆయన సినిమాల్ని ప్రశంసిస్తూ`‘కామన్‌మేన్‌ నుంచి నా వరకూ ఆయన సినిమాలు గొప్ప రిలీఫ్‌ అని కూడా అనేశారు. ఆ ప్రధాని ప్రశంస పుణ్యమాని.. 1997లో తన నల‌భై రెండో సంవత్సరంలో ఆంధ్రా విశ్వవిద్యాయం నుంచి గౌరవ డాక్టరేట్‌ పురస్కారం అదుకోవడానికి అవకాశమిచ్చిందంటూ హాస్యకిరీటి ఆనాటి మధుర స్మృతుల్ని మనసారా గుర్తు చేసుకుంటుంటారు.

దటీజ్‌ రాజేంద్రప్రసాద్‌:
చుట్టుముట్టే సమస్య‌లు, బంధుమిత్రుతో విభేదాలు, కరెంట్‌, రెంట్‌ కష్టాలు.. చెంచాడు భవసాగరాల్ని ఈదలేక ఈదలేక ఈదుతున్న సామాన్యుడి మొద‌లుకుని.. తల‌లు పండిన వివిధ రంగాల్లో ప్రముఖులు, నిత్యం రాజకీయాల్లో మునిగితేలుతున్న నేతల‌దాకా.. మనసుని ఆహ్లాదపరుచుకుంటూ గుండె బరువు దింపుకునేందుకు ఆశ్రయిస్తున్న ఒకానొక ‘హాస్య ఔషధం’ కచ్చితంగా రాజేంద్రప్రసాద్‌ సినిమానే అంటే అతిశయోక్తి కాదేమో? చికాకు పెట్టే అంశాల‌న్నింటినీ కాస్త పక్కన పెట్టి ఎంచక్కా థియేటర్లో కూర్చోని ‘లేడీస్‌ టైల‌ర్‌’నో, ‘అప్పుల‌ అప్పారావు’నో, పేకాట పాపారావు’నో పల‌కరించామనుకోండి.. ఒళ్లంతా చక్కిలిగింత పెడ్తూ కళ్లలో నీళ్లొచ్చే వరకు కదిలికదిలి నవ్వుకోమంటారాయన. కథంతా నడిపించే హీరోగారి పక్కన హాస్యన‌టుడి ముద్రతో వెకిలి చేష్టల్తో నవ్వించే ప్రయత్నం చేసే ద్వితీయ శ్రేణి ‘తెర పౌరసత్వం’ చెర తప్పించి.. ‘కామెడీ` అనే సరికొత్త ముద్రతో హాస్యానికి ‘హీరో ఇమేజ్‌’ని కట్టబెట్టిన ఘనత కచ్చితంగా రాజేంద్రప్రసాద్‌కే దక్కుతుందన్నది టాలీవుడ్‌ చరిత్ర చెప్పే నిజం. హాస్యం ప్రధానాంశంగా పూర్తిస్థాయి సినిమాని తొలి అడుగులోనూ విజయవంతం చేయగమని ‘లేడీస్‌ టైల‌ర్‌’ సాక్షిగా నిరూపించిన అసలు సిసలైన ఆర్టిస్ట్‌ రాజేంద్రప్రసాద్‌. రియ‌ల్ హీరోయిజ‌మ్‌కి ఆయ‌న కేరాఫ్ అడ్రెస్‌.

హాస్యాన్ని అద్భుతంగా పండించగలిగే నటుడు హృదయాల్ని ద్రవించగలిగే పాత్రల్ని కూడా పోషించగల‌డనీ  చాటిచెప్పినవాడు రాజేంద్రప్రసాద్‌. అందుకే, ఆయన ఖాతాలో ‘లేడీస్‌ టైల‌ర్‌’, ‘మాయలోడు’ లాంటి సినిమాల్తోపాటు ‘ఎర్రమందారం’, ‘ఆ నలుగురు’లాంటి సీరియస్‌ సినిమాలు కూడా ఉన్నాయి.

రఘురాం కనిపించాడు:
‘‘సినిమా అంతా చూశాను. ఎక్కడైనా ఆర్టిస్ట్‌ ప్రసాద్‌ కనిపించకపోతాడా అని కాగాడా పెట్టి మరీ వెతికాను. కానీ.. రఘురాం మాత్రమే కనిపించాడు. గొప్పగా చేశావు’ అంటూ ‘ఆ నలుగురు’ సినిమా చూసి హాల్లోంచి బయటికి వచ్చిన వెంటనే బుగ్గపై ఆత్మీయంగా ఒకటి చరిచి మరీ అభినందించిన కళాతపస్వి కె.విశ్వనాథ్‌ మాట గుండె భరిణెలో గులాబీరేకుల్లా దాచుకున్నానంటూ ఆ ప్రశంసల్ని తల‌చుకుని తల‌చుకుని పరవశించిపోతుంటారు రాజేంద్రప్రసాద్‌.
తెలుగు సినిమా చరిత్ర ఉన్నంత వరకూ కామెడీ కింగ్‌గా రాజేంద్రప్రసాద్‌ పేరు ‘తెరస్థాయి’గా మిగిలే ఉంటుంది. టీవీల్లోనో, థియేటర్లలోనో ఈ ‘మాయలోడు’ తన భుజాన ఉన్న సంచిలోంచి గుప్పెడు గుప్పెడు నవ్వు బయటికి తీసి ఆడియన్స్‌ గుండెల్లోకి గురిచూసి విసిరేస్తూనే ఉంటాడు. హాయిగా నవ్వుకోవానుకునేవాళ్లకు అస‌లుసిసలైన ఆప్షన్‌` ‘రాజేంద్రప్రసాద్‌ సినిమాలే’ అన్నమాట మరెవరూ కొత్తగా చెప్పాల్సిన అవసరం లేదు. కారణం.. ఆ మాట ‘తూర్పున సూర్యుడు ఉదయించినంత నిజం కనుక. తెలుగు సినిమా వెయ్యేళ్లు వర్థిల్లాలి..  రాజేంద్రప్రసాద్‌ సినిమాలు వెయ్యేళ్లు హాస్యప్రియుల్ని అల‌రించాలి.

చావు నుంచీ సినిమా రేవు దాకా:

హాస్యానికి ‘ఐఎస్‌ఐ’ మార్క్‌లా కనిపించే రాజేంద్రప్రసాద్‌.. ఆ స్థానానికి అంత సులువుగా చేరుకోలేదు. సినీ ఆరంగేట్రం చేయాల‌నుకునే ఆర్టిస్ట్‌ందరూ ఎదుర్కొనే సినిమా కష్టాలెన్నో అనుభవించి.. ఫ‌ల‌వ‌రించి.. ఇక, భరించలేక ఒకానొక దశలో ‘చావే శరణ్యం’ అనుకుని ఆఖరిసారిగా ఆత్మీయులందరినీ ఓసారి చూసుకోవాని డిసైడ్‌ అయిన తర్వాతే అదృష్టం ఆయన గుండె తలుపుతట్టింది. పురుగు మందు తాగి ఇక ఎన్నటికీ తిరిగిరాని లోకాల‌కు తరలిపోవాల‌నుకున్న వ్యక్తికి ఊపిరూది.. జీవితంపై ఆశలు కల్పించిన వ్యక్తి సినీ ప్రముఖుడు పుండరీకాక్షయ్య. పతాక సన్నివేశం దాకా కష్టాల్తో వేధించి వేధించి.. ‘అంతర్యామీ.. అసితి’ అని ఓ ప్రాణి అల్లాడుతున్న వేళలో.. మళ్లీ బతుకిచ్చి బతికించే దేవదేవుడి లీల‌లు మన చిత్రాల‌ కన్నా గొప్ప చిత్రాల‌ని చెప్తుంటారు హాస్యకిరీటీ రాజేంద్రప్రసాద్‌.

‘రామరాజ్యంలో భీమరాజు’లో అవకాశం

ఎస్పీ వెంకన్నబాబు సినిమా ‘రామరాజ్యంలో భీమరాజు’లో తెరపై కనిపించే చిన్ని అవకాశం రాజేంద్రప్రసాద్ తలుపుతట్టింది. డబ్బింగ్‌ థియేటర్లో ఏదో సినిమాకు డబ్బింగ్‌ చెప్తున్న సమయంలో మిద్దె రామారావుకి సంబంధించిన వ్యక్తులు వచ్చి హుటాహుటిన కార్లోకి తోసి.. ఆ అవకాశాన్ని అందించారు. ఆ సినిమాలో హీరోయిన్‌ శ్రీదేవి కాళ్లపై పడే సన్నివేశంలో ఓ ఆర్టిస్ట్‌ నటించేందుకు విముఖత చూపించడంతో.. ఆ పాత్రకు రాజేంద్రప్రసాద్‌ని ఎన్నుకున్నారు. సూపర్‌స్టార్‌ కృష్ణతోపాటు చిత్రంలోని ప్రధాన తారాగణమంతా పెళ్లి సన్నివేశంలోని ఉండగా.. పెళ్లి కొడుకు పాత్రలో రాజేంద్రప్రసాద్‌ తొలిసారి తళుక్కుమన్నారు.  హీరోయిన్‌ శ్రీదేవి పక్కన పెళ్లిపీటపై కూర్చున్న రాజేంద్రప్రసాద్‌ చెవిలో.. ‘తాళికడితే మటాషే.. తాట‌తీసేస్తా’నంటూ బెదిరించే సన్నివేశం అది. కృష్ణ ఆ డైలాగ్‌ చెప్తుంటే.. పెళ్లి కొడుకు పాత్రలో రాజేంద్రప్రసాద్‌ ఇస్తున్న ఎక్స్‌ప్రెషన్స్‌ అన్నీ ఇన్నీ కావు. ఆ ఎక్స్‌ప్రెషన్స్‌కి ముచ్చటపడిన కృష్ణ.. ఆ కొత్త కుర్రాడు బాగా చేస్తున్నాడంటూ సినీలోకంలో ప్రచారం ప్రారంభించేసరికి.. ఆ ఒక్క చిన్ని సన్నివేశం.. రాజేంద్రప్రసాద్‌ సపోర్టింగ్‌ యాక్టర్‌గా ఎదిగేందుకు మరో పది అవకాశాల్ని వెంట తీసుకొచ్చింది.

దాంతో.. ఓ పక్క తెరవెనుక డబ్బింగ్‌ ఆర్టిస్ట్‌గా, మరోపక్క తెరముందు సపోర్టింగ్‌ యాక్టర్‌గా రెండు చేతులా.. మూడు షిఫ్టులు పనిచేసే అవకాశాల్ని అందిపుచ్చుకున్నారాయన. ఆ తర్వాత త‌ర్వాత హీరోగా ఆయన ఎదిగిన తీరు ఔత్సాహికుల‌కు మరింత స్ఫూర్తిదాయకం.

హాట్సాప్‌ టు వంశీ

‘గుడి గంటలు మోగాయి’ సినిమా హీరో రాంజీకి డబ్బింగ్‌ చెప్తున్నప్పుడు రాజేంద్రప్రసాద్‌కి దర్శకుడు వంశీతో సాన్నిహిత్యం పెరిగింది. అప్పటికే తెరపై సపోర్టింగ్‌ కేరెక్టర్లు వేస్తున్న రాజేంద్రప్రసాద్‌లోని హీరోని గుర్తించారు వంశీ. దాంతో, రామోజీరావు ‘ప్రేమించు పెళ్లాడు’ సినిమా అవకాశం వచ్చింది. అయితే, ఆ సినిమా అనుకున్నంతగా ఆడకపోవడంతో.. మళ్లీ నాలుగురోడ్ల కూడలిలో నిల్చోవాల్సివచ్చింది. ఆ సినిమా ఫలితంపై దర్శకుడు వంశీ వ్యాఖ్యానిస్తూ.. ‘మనమైతే మంచి సినిమా చేశాం. ఫస్టాఫ్‌ అంతా నవ్వించాం. సెకండాఫ్‌ కాస్త దెబ్బ కొట్టి ఫలితం తారుమారైంది. అంతమాత్రాన నిరాశపడడమెందుకు?’ అంటూ రాజేంద్రప్రసాద్‌కి ధైర్యం చెప్పేవారు. ఆ తర్వాత ‘లేడీస్‌ టైల‌ర్‌’ ప్రాజెక్ట్‌ పురుడు పోసుకుంది.
‘లేడీస్‌ టైల‌ర్‌’ సినిమా తెలుగులో కామెడీ సినిమాకు ఓ ట్రెండ్‌ సెట్టర్‌గా నిలిచిన వైనం మ‌న‌కు తెలుసు. ఆ సినిమా తర్వాత మరెన్నో కామెడీ సినిమాలు నిర్మితమై హాస్యం పండించే సిస‌లైన‌ హీరోల‌కు సినీరంగంలో కావాల్సినంత స్థానం కల్పించాయంటారాయన.
తొలుత డబ్బింగ్‌ కళాకారుడిగా, తర్వాత్తర్వాత సపోర్టింగ్‌ యాక్టర్‌గా.. ఆ తర్వాత హాస్యం అనే మ‌త్తు చ‌ల్లే రియ‌లిస్టిక్‌ హీరోగా తన సినీ ప్రస్థానం ఆద్యంతం అనేకానేక మలుపుల‌తో, ఊపిరిసాగని ఉత్కంఠతో, ఒళ్లు గగుర్పొడిచే సస్పెన్స్‌తో, అనేకానేక ఆశ్చర్యాలు, ఆనంద విషాదాల్తో సాగిందంటూ ఆనాటి ముచ్చట్లను నెమరువేసుకుంటారాయన.
‘‘నాకన్నా నాకొచ్చిన అవకాశాలు మిన్న. అవి నన్ను ఆర్టిస్ట్‌గా నిబెట్టాయి’’ అంటారు రాజేంద్రప్రసాద్‌.          

గాడ్‌ఫాదర్‌ లేరు.. గాడ్‌ మాత్రమే ఉన్నారు:
‘‘ఇండస్ట్రీలో తనకెవరూ గాడ్‌ఫాదర్‌ లేరు. తాను నమ్ముకున్న గాడ్‌ మాత్రమే ఉన్నారు’’ అంటారు రాజేంద్రప్రసాద్‌. నమ్ముకున్న దైవం అడుగడుగునా తనని ఆదుకుందని ఆయన చెప్తుంటారు.

ఎన్టీఆర్‌తో అనుబంధం:
విశ్వవిఖ్యాత, పద్మశ్రీ నందమూరి తారకరామారావు... ఈ పేరు రాజేంద్రప్రసాద్‌ తరచూ వల్లెవేసే తారకమంత్రం. సాంఘిక, జానపద, పౌరాణిక చిత్రాల‌ ద్వారా ఎన్టీఆర్‌ సృష్టించిన ఖ్యాతి జగద్విఖ్యాతి. నందమూరి సొంతూరు నిమ్మకూరులోనే పుట్టి పెరిగిన రాజేంద్రప్రసాద్‌కి నందమూరి కుటుంబంతో గాఢానుబంధం ఉంది. సుమారు 24 సంవత్సరా...పాటు ఆయన వెనుక నడిచిన తీపిగుర్తులున్నాయి. ప‌లు సందర్భాల్లో ఆయన ఇచ్చిన సల‌హాలు, సూచనలు సినీ జీవితాన్ని మరింత మెరుగుపరుచుకోవడానికి ప్రధాన భూమిక నిర్వహించాయని కృతజ్ఞత నిండిన కళ్లతో చెప్తుంటారు రాజేంద్రప్రసాద్‌.


‘మూమెంట్‌ అండ్‌ మైమ్‌’లో గోల్డ్‌ మెడల్‌ సాధించిన రాజేంద్రప్రసాద్‌ ఇన్‌స్టిట్యూట్‌లో తన తర్వాత శిక్షణ పొందే విద్యార్థుల‌కు పాఠాలు చెప్పేవారు. ‘మూమెంట్‌ అండ్‌ మైమ్‌’ అంటే ఏమీ లేకుండా ఉన్నట్లు చేసి చూపించడం. అందులో శిక్షణ పొందడం కాల‌క్ర‌మంలో రాజేంద్రుని నటజీవితానికి ఎంతో పనికొచ్చిందంటే ఏమాత్రం అతిశ‌యోక్తి కాదు .
అబ్జర్వేషన్‌.. ఇంప్రవైజేషన్‌’ అనే సబ్జెక్ట్‌ల్లో ఫిల్మ్‌ ఇన్‌స్టిట్యూట్‌లో శిక్షణ ఉపయోగపడిందంటారు రాజేంద్రప్రసాద్‌. అంతేకాదు.. ‘ఎవ్విరీ థింగ్‌ ఇన్‌ యువర్‌ లైఫ్‌ స్టార్ట్స్‌ విత్‌ ఇమిటేషన్‌.. ఎండ్స్‌ విత్‌ క్రియేషన్‌’. ఈ విషయాన్ని ఆకళింపు చేసుకోవడం వ‌ల్ల‌నే రాజేంద్రప్రసాద్‌ పరిపూర్ణనటుడిగా ఎదిగారు. ఇంకా ఇంకా ఎదుగుతూనే ఉన్నారు. ఇప్ప‌టికీ తెలుగు ప్రేక్ష‌కుల్ని త‌న‌దైన ముద్ర‌తో ఆక‌ట్టుకుంటూనే ఉన్నారు. క్విక్ గన్ మురుగన్ చిత్రంతో హాలీవుడ్లో ప్రవేశించారు రాజేంద్రుడు. కామిక్ తరహా క్యారెక్టర్లతో తెరకెక్కించిన ఈ చిత్రం ద్వారా నటుడిగా మరో ఎత్తుకి ఎదిగారన్న పేరొచ్చింది. సౌతిండియన్ ఫేమస్ ఫేస్ కాబట్టి తనని ఈ అవకాశం వరించిందని చెబుతారాయన.





ఎందరో మహానుభావులు అందరికీ వందనాలు. రాజేంద్రుని కీర్తిని నలుదిశలా వ్యాపింపజేయడంలో ఆయన త‌న దర్శకుల పాత్రను ఎన్న‌టికీ విస్మరించరు. విఖ్యాత దర్శకుడు బాపు తెరకెక్కించిన స్నేహం చిత్రంతో కెరీర్ ప్రారంభించిన రాజేంద్రుడు అటుపై జంధ్యాల, ఇ.వి.వి.సత్యనారాయణ, వంశీ, రేలంగి నరసింహారావు, ఎస్.వి.కృష్ణారెడ్డి వంటి దర్శకులతో పనిచేసి గొప్పఖ్యాతిని ఆర్జించారు. ప్రస్తుతం సెకండ్ ఇన్నింగ్స్ లోనూ చంద్ర సిద్ధార్థ్‌, త్రివిక్రమ్, సుకుమార్ వంటి దర్శకుల ప్రోత్సాహంతో ఎన్నో అవకాశాలు అందుకుంటున్నారు. జులాయి, నాన్నకు ప్రేమతో సినిమాల్లో రాజేంద్రుని నటనను తెలుగు ప్రేక్షకులు అంత తేలిగ్గా మర్చిపోలేరు.

ఒకప్పుడు హ‌స్యం అనే విరిజ‌ల్లుల‌తో నేచుర‌ల్‌ హీరోగా రాణించినా.. ప్రస్తుతం వయసు దృష్ట్యా తండ్రి పాత్రల్లో నటింకేందుకు ఏమాత్రం భేషజం లేదని ఒప్పుకుంటారాయన. నవతరం హీరోలకు తండ్రిగా నటిస్తూ ప్రేక్షకుల మెప్పు అందుకుంటున్నారు. అసలు హాస్యం పండించే టిఫిక‌ల్‌ హీరో  చేయలేనిదేముంటుంది. హృదయాల్ని హత్తుకునే, గుండె కరిగించే కరుణ రసాన్ని పోషించడంలోనూ వారిదే పైచేయి అని చెబుతారాయన. చార్లీచాప్లిన్ అందుకు చక్కని ఉదాహరణ. తమిళనటుడు నగేష్ ఎన్నో వైవిధ్యమైన పాత్రల్లో రాణించారని చెబుతారు. తాను సైతం ఆ తరహాలోనే విలక్షణతను ఆపాదించుకుని తెలుగువారిని మెప్పించే ప్రయత్నం చేశానని, అందరి ఆశీస్సులు తనకి దక్కాయని చెబుతారు. అందుకు గర్విస్తున్నానని ఎంతో వినమ్రంగా చెబుతారు.

ప్రస్తుతం మూవీ ఆర్టిస్టుల సంఘం (మా) అధ్యక్షునిగానూ కొత్తబాధ్యతలు నెత్తికెత్తుకున్నారు. మా అసోసియేషన్ తరపున కళాకారుల సంక్షేమానికి పెద్ద పీట వేసి పనిచేస్తానని వాగ్ధానం చేశారు. మాట ఇచ్చిన ప్రకారం పలువురు కళాకారులకు తనవంతు సాయం అందిస్తున్నారు. పేద కళాకారుల్ని ఆదుకుంటున్నారు. అంతేనా సీనియర్ కళాకారుల్ని స్మరించుకోవడం మన ధర్మం.. అంటూ నాటి మేటి కళాకారులందరినీ జనరల్ బాడీ మీటింగుల్లో సన్మానించుకునే కొత్త సాంప్రదాయానికి తెరతీసి అందరి మన్ననలు అందుకున్నారు. మనసున్న మారాజు మా అధ్యక్షుడు రాజేంద్రుడు అంటూ అందరూ ఆయన్ని కీర్తించి, ఆప్యాయంగా అభినందిస్తున్నారు. అత‌డికి అంద‌రి త‌ర‌పున పుట్టిన‌రోజు శుభాకాంక్ష‌ల‌తో పాటు అభినంద‌న‌లు చెబుతున్నాం.


                                                                                                                                     --రవి కిరణ్ మాదినీడి
మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

Friday, July 15, 2016

తెలుగు హీరోల అభిమానులు మాటల వరకే, చేతలకు పనికిరారు అని నిరుపించిన యువకుడు


తెలుగు హీరోల అభిమానులు మాటల వరకే, చేతలకు పనికిరారు అని నిరుపించిన యువకుడు


ఈ క్రింది వీడియొ చూడండి, మీకే తెలుస్తుంది.

                                                                                                                                        --రవి కిరణ్ మాదినీడి
మరింత సమాచారం కోసం
LIKE, FOLLOW & SUBSCRIBE us


Facebook          Twitter          YouTube          Blog          Google+

Friday, May 20, 2016

బ్రహ్మోత్సవం సినిమా రివ్యు || Brahmotsavam movie review




బ్రహ్మోత్సవం సినిమా రివ్యు 

TOLLY BEATS Rating: 2.75/5

బ్రహ్మోత్సవం’... సూపర్ స్టార్ మహేష్ హీరోగా నటించిన ఈ సినిమా కొద్దికాలంగా సగటు తెలుగు సినీ ప్రేక్షకుడిని ఎంతగానో ఎదురుచూయిస్తూ వస్తోన్న సినిమాల్లో మొదటి స్థానంలో ఉన్న సినిమా. మహేష్‍తో కలిసి గతంలో సీతమ్మ వాకిట్లో సిరిమల్లె చెట్టు లాంటి అందమైన సినిమాను మనకు అందించిన దర్శకుడు శ్రీకాంత్ అడ్డాల తెరకెక్కించిన ఈ సినిమా అన్ని కార్యక్రమాలనూ పూర్తి చేసుకొని భారీ అంచనాల నడుమ నేడు ప్రేక్షకుల ముందుకు వచ్చేసింది. మరి ఆ అంచనాలను అందుకునే స్థాయిలోనే ఈ ‘బ్రహ్మోత్సవం’ ఉందా? చూద్దాం...

కథ :
విజయవాడలో ఓ ప్రముఖ వ్యాపారవేత్త అయిన చంటబ్బాయి (సత్యరాజ్‌)ది అందరూ కలిసి ఉండాలని కోరుకునే మనస్థత్వం. అతడి చెల్లెళ్ళు, వాళ్ళ కుటుంబాలు, అంతా కలిసి ఉత్సవంలా ఒకచోట ఉండి జీవితాలను గడుపుతుంటారు. చంటబ్బాయి లాంటి ఆలోచనలున్న వ్యక్తే అతడి కుమారుడు మహేష్ బాబు. ఏదీ పెద్దగా ఆలోచించకుండానే చేసేసే మనస్థత్వం ఉన్న మహేష్, ఎవ్వరితోనైనా ఇట్టే కలిసిపోయి సరదాగా ఉంటూ, తండ్రి వ్యాపారాలు చూసుకుంటూ బతికేస్తుంటాడు. అంతా బాగుందనుకునే సమయంలోనే, ఆ ఇంట్లో వ్యక్తే అయిన రావు రమేష్ వల్ల ఓ గొడవ జరుగుతుంది.

ఆ గొడవ తర్వాత చంటబ్బాయి చనిపోవడంతో, ఇంట్లో పరిస్థితులన్నీ మారిపోతాయి. ఇలా మారిపోయిన పరిస్థితుల నుంచి, బంధాలంటే ఏంటో, తానేంటో తెలుసుకోవాలనే ప్రయత్నంలో మహేష్, సమంతతో కలిసి ఓ ప్రయాణం మొదలుపెడతాడు. ఆ ప్రయాణం ఏంటి? సమంత ఎవరు? ఈ ప్రయాణంలో మహేష్ ఏమేం తెలుసుకున్నాడూ? చివరకు తన ఇంట్లో పరిస్థితులను మార్చేందుకు అతడికి ఆ ప్రయాణం ఎలా ఉపయోగపడిందీ? కాశి (కాజల్)‍తో అతడి తొలిప్రేమ కథేంటీ? లాంటి ప్రశ్నలకు సమాధానమే మిగతా కథ.

ప్లస్ పాయింట్స్ :
మహేష్ లాంటి సూపర్ స్టార్‌తో, కమర్షియల్ సినిమా హంగులను ఏమాత్రం పట్టించుకోకుండా, ఓ కథ చెప్పాలన్న దర్శకుడు శ్రీకాంత్ అడ్డాల సాహసాన్నే ఈ సినిమాకు అన్నింటికీ మించిన ప్రధానమైన అనుకూలాంశంగా చెప్పుకోవాలి. నలుగురికి మంచి పంచుతూ, అందరితో కలిసిమెలిసి ఉండడమనే ప్రధానాంశాన్ని సినిమా కథలో అంతర్లీనంగా చెప్పిన విధానం గురించి ఎంత చెప్పినా తక్కువే! ఇక మానవ సంబంధాలను, ఉమ్మడి కుటుంబంలోని ఆలోచనా విధానాలు, భావోద్వేగాలను శ్రీకాంత్ అడ్డాల తనదైన ముద్ర కనిపించేలా చెప్పిన విధానం కూడా చాలా బాగుంది.

ఇక సూపర్ స్టార్ మహేష్ ఎప్పట్లానే ఈ సినిమాకు ప్రధాన బలంగా నిలబడి, సినిమాను తన చరిష్మాతో ముందుకు నడిపించాడు. ఇలాంటి ఒక కథను తన స్టార్ స్టేటస్ గురించి ఆలోచించకుండా, నిజాయితీగా కథకే కట్టుబడి ఉంటూ చేయడమనేది మహేష్ ఈ సినిమా విషయంలో సాధించిన పెద్ద విజయంగా చెప్పుకోవచ్చు. నటనలో మహేష్‌ స్థాయి ఏంటన్నది ఇప్పటికే చాలా సినిమాలు ఋజువుచేయగా, బ్రహ్మోత్సవం కూడా ఇదే అంశాన్ని మరోసారి బలంగా ఋజువుచేస్తూ, ఆయన స్థాయి మరింత ఎత్తుకు తీసుకెళ్ళింది. ఇక సమంత తన పాత్రలో ఒదిగిపోయి నటించింది. మహేష్-సమంతల కాంబినేషన్‌లో వచ్చే జర్నీ బాగుంది. ఇక కాజల్‍ ఈ సినిమాలో తాను ఇంతకుముందెప్పుడూ చేయని తరహా పాత్రలో చూపిన ప్రతిభ చాలా బాగుంది. మహేష్-కాజల్‌ల ప్రేమకథ కూడా సహజంగా ఉంది. ఇక ప్రణీతది చిన్న పాత్రైనా బాగా చేసింది. రావు రమేష్ గురించి ఇక్కడ ప్రత్యేకంగా ప్రస్తావించుకోవాలి. కథను బలంగా ప్రభావితం చేసే పాత్రలో ఆయన నటన కట్టిపడేసేలా ఉంది. సత్యరాజ్ ఓ బలమైన పాత్రలో సినిమాకు నిండుతన తెచ్చారు. ఇక రేవతి, జయసుధ, నరేష్, తులసి, వెన్నెల కిషోర్, తనికెళ్ళ భరణి.. ఇలా సినిమాలో కీలక పాత్రల్లో నటించిన వారంతా తమ నటనతో ఆకట్టుకుంటారు.

సినిమా పరంగా చూసుకుంటే… అసలు కథను పరిచయం చేయడం, మహేష్-సమంతల జర్నీ నేపథ్యంలో వచ్చే సన్నివేశాలు, కుటుంబమంతా కలిసి ఓ పండగలా జీవితాల్ని ఆస్వాధించడం, అదిరిపోయే ఇంటర్వెల్ బ్యాంగ్, మహేష్-కాజల్‍ల రొమాన్స్, క్లైమాక్స్ లాంటివి ప్రధాన అనుకూలాంశాలుగా చెప్పుకోవచ్చు.

మైనస్ పాయింట్స్ :

ఈ సినిమాకు ప్రధానమైన ప్రతికూలాంశం అంటే, కథ వేగం చాలా నెమ్మదిగా ఉండడమని చెప్పుకోవాలి. సెకండాఫ్‌లో మహేష్-సమంతల జర్నీ బాగున్నా, దానికి ముందొచ్చే సన్నివేశాలేవీ అంత బలంగా లేకపోవడంతో, ఈ జర్నీ లాజిక్ లేని విషయంగా కనిపిస్తుంది. ఇక కొన్ని సన్నివేశాలు తిరిగి తిరిగి అక్కడికే వస్తున్నాయన్నట్లుగా సెకండాఫ్‌లో ఈ ఎపిసోడ్ సాగుతూంటుంది. ఇక సాధారణంగా కమర్షియల్ సినిమాల్లో కోరుకునే అంశాలేవీ లేని సినిమా కావడం కూడా అలాంటి అంశాలను కోరేవారికి నచ్చకపోవచ్చని విషయంగా చెప్పుకోవచ్చు. సమంత కథలోకి ఎంట్రీ ఇచ్చిన విధానం కూడా పెద్దగా ఆకట్టుకోదు. ఇక కొన్నిచోట్ల విజువల్ ఎఫెక్ట్స్ కూడా సినిమా స్థాయికి తగ్గట్టుగా లేవు.



సాంకేతిక విభాగం :
సాంకేతిక అంశాల పరంగా చూస్తే, ‘బ్రహ్మోత్సవం’ అన్నివిధాలా బాగుందనే చెప్పుకోవచ్చు. శ్రీకాంత్ అడ్డాల రచనలో ఎంత లోతుందో, తాను చెప్పాలనుకున్న అంశాలను కథగా తెలివిగా చెప్పించిన విధానం చూస్తే ఇట్టే అర్థమైపోతుంది. చిన్నదే అయినా, బలమైనది కూడా అయిన ఒక అంశం చుట్టూ కథ చెప్పాలనుకోవడం, దాన్ని కథగా చెప్పడానికి ఏమేం కావాలో వాటన్నింటితో ఓ మంచి స్క్రీన్‌ప్లే రాసుకోవడం లాంటి విషయాల్లో శ్రీకాంత్ అడ్డాల ప్రతిభను చూడొచ్చు. డైలాగ్స్ పరంగానూ శ్రీకాంత్ మరోసారి తన స్థాయిని చాటుకున్నాడు. దర్శకుడిగా ప్రతి దర్శకుడూ ఒక బ్రాండ్ కోరుకుంటాడు. శ్రీకాంత్ రెండో సినిమాతోనే దాన్ని సాధించి, ‘బ్రహ్మోత్సవం’ దగ్గరకొచ్చేసరికి ఆ బ్రాండ్‌ని అలాగే నిలబెట్టుకున్నాడు.

ఇక రత్నవేలు సినిమాటోగ్రఫీ గురించి ఎంత చెప్పుకున్నా తక్కువే! సాధారణంగా తెలుగు సినిమాల్లో కనిపించని, బాలీవుడ్‌కు మాత్రమే సాధ్యమనుకున్న ఓ ఫ్లేవర్‍ను సెకండాఫ్‌లో చూడొచ్చు. అది రత్నవేలు ప్రతిభ వల్లే అని ప్రత్యేకించి చెప్పక్కర్లేదు. మిక్కీ జే మేయర్ సమకూర్చిన పాటలు ఇప్పటికే అంతటా సూపర్ హిట్ అనిపించుకోగా, సినిమాలో, ఆయా సందర్భాల్లో వచ్చే ఈ పాటలు బాగున్నాయి. గోపీ సుందర్ అందించిన బ్యాక్‌గ్రౌండ్ స్కోర్, రీ రికార్డింగ్‍ సినిమా స్థాయికి తగ్గట్టే బాగున్నాయి. కోటగిరి వెంకటేశ్వర రావు ఎడిటింగ్ బాగుంది. ఇలాంటి సినిమాలకు కావాల్సిన మూడ్‌ను ఎడిటింగ్ ద్వారా ఆయన బాగానే క్యారీ చేశారు. తోట తరణి ఆర్ట్ వర్క్ గురించి కొత్తగా చెప్పడానికి ఏమీ లేదు. ఆయన స్థాయి ఎంతటిదో ఈ సినిమా మరోసారి ఋజువు చేసింది. పీవీపీ సినిమా నిర్మాణ విలువలను ప్రశంసించకుండా ఉండలేం.

తీర్పు :
అందరూ కలిసి, ఒకరికొకరు అండగా నిలబడడమే ఎవ్వరి జీవితంలోనైనా అతి పెద్ద ఉత్సవం అని చెప్పే సినిమాయే ‘బ్రహ్మోత్సవం’. ఈ విషయాన్ని తెలుసుకునేందుకే, ఎవ్వరిని పలకరించడానికైనా పెద్దగా ఆలోచించక్కర్లేదనే కథానాయకుడు చేసే ప్రయాణమే మేజర్ హైలైట్. ఆ కథానాయకుడి పాత్రలో నటించిన మహేష్ సినిమాను తన చరిష్మాతో ముందుండి నడిపించడంలో సఫలమయ్యాడు. శ్రీకాంత్ అడ్డాల కథగా చెప్పాలనుకున్న ఆలోచన, కట్టిపడేసే కొన్ని భావోద్వేగాలు, ప్రయాణాలు ఇవన్నీ ఈ సినిమాకు ప్లస్ పాయింట్స్‌. ఇకపోతే కథ చాలా నెమ్మదిగా సాగడం, సెకండాఫ్‌లో కొన్ని లాజిక్‍కి సంబంధం లేని అంశాలు లాంటివి మైనస్ పాయింట్స్‌గా చెప్పుకోవాలి. ఒక్కమాటలో చెప్పాలంటే.. మూలాల్ని వెతికే ప్రయాణంలో బంధాల్ని అర్థం చేసుకోవచ్చని, ఆ బంధాలు అలా సాగడమే ‘బ్రహ్మోత్సవం’ అని చెప్పే ఆలోచనకు కనెక్ట్ అయితే, ఈ సినిమా బాగా ఆకట్టుకుంటుందనే చెప్పొచ్చు.





మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

Thursday, May 19, 2016

మూడు రాష్ట్రాలు, రెండు దేశాలలో బీబత్సం సృష్టిస్తున్న బుడ్డోడు...!!!



మూడు రాష్ట్రాలు, రెండు దేశాలలో బీబత్సం సృష్టిస్తున్న బుడ్డోడు...!!!

                              టెంపర్, నాన్నకు ప్రేమతో సినిమాలతో వైవిద్యం చూపిస్తూ జోరు మీద ఉన్న బుడ్డోడు ఇప్పుడు పూర్తి మాస్ మసలా సినిమాతొ అభిమానులని అలరించడానికి సిద్దం అవ్తున్నాడు. మీసాలు రాకమునుపే తెలుగు సినీ పరిస్రమలో మాస్ హీరోగా ఎవరు అందుకొలేని స్థాయికి ఎదిగిన యంగ్ టైగర్ ఎన్.టి.ర్., రజనీకాంత్ ని సైతం ఆశ్చర్య పరిచాడు మన బుడ్డోడు. తెలుగు రాష్ట్రాలలోనే కాకుండా, కర్ణాటకా, కేరలతో పాటు, రజనీకాంత్ తరువాత జపాన్ లో అంతటి క్రేజ్ ఉన్న నటుడు మన బుడ్డోడు.
                                


మిర్చి, శ్రీమంతుడు లాంటి వరుస విజయాలతొ ఉన్న కొరటాల శివ, ఎన్.టి.ర్. తో తీస్తున్న "జనతా గేరేజ్" చిత్రం 1లుక్ ని తారక్ పుట్టిన రోజు సందర్బంగా విడుదల చేసారు. తారాక్ పొస్టర్లు చూసి అభిమానులు పండగ చేసుకుంటున్నారు.




                                                                                                                                      --రవి కిరణ్ మాదినీడి
మరింత సమాచారం కోసం
LIKE, FOLLOW & SUBSCRIBE us


Facebook          Twitter          YouTube          Blog          Google+

ఎన్.టి.ర్. గురించి నాకన్న బాగా ఎవ్వరు చెప్పలేరు...!!

ఎన్.టి.ర్. గురించి నాకన్న బాగా ఎవ్వరు చెప్పలేరు...!!



                                                                                                                                         --రవి కిరణ్ మాదినీడి
మరింత సమాచారం కోసం
LIKE, FOLLOW & SUBSCRIBE us

Monday, May 16, 2016

పవన్ అభిమానులు మీద సేటైర్ వేసిన తమ్మారెడ్డి..!!!


పవన్ అభిమానులు మీద సేటైర్ వేసిన తమ్మారెడ్డి..!!!



                                                                                                                                         --రవి కిరణ్ మాదినీడి
మరింత సమాచారం కోసం
LIKE, FOLLOW & SUBSCRIBE us


Facebook          Twitter          YouTube          Blog          Google+

Friday, May 6, 2016

సూర్య "24" సినిమా రివ్యు || Surya "24" movie Review


సూర్య "24" సినిమా రివ్యు 


TOLLY BEATS RATING: 4.75/5 ( This decade highest rating)

13 బీ’, ‘ఇష్క్’, ‘మనం’ చిత్రాలతో దర్శకుడిగా తనదంటూ ఓ బ్రాండ్ సెట్ చేసుకున్న దర్శకుడు విక్రమ్ కుమార్, తమిళ సూపర్ స్టార్ సూర్యతో కలిసి ’24’ అనే సైన్స్ ఫిక్షన్ కథతో మనముందుకు వచ్చారు. సూర్య తన సొంత బ్యానర్‌పై నిర్మించిన ఈ సినిమా భారీ అంచనాల మధ్య నేడు ప్రపంచవ్యాప్తంగా విడుదలైంది. మరి సినిమా ఆ అంచనాలను అందుకుందా? చూద్దాం..

కథ :

శివ కుమార్ (సూర్య) ఓ సైంటిస్ట్. తన భార్య ప్రియ (నిత్యా మీనన్), నెలల వయసుండే కొడుకుతో కలిసి ఓ ప్రశాంతమైన పరిసరాల్లో జీవిస్తూ, ఓ వాచీని కనిపెట్టే ప్రయత్నాల్లో ఉంటాడు. ఆ వాచీతో కాలంలో ముందుకు, వెనక్కి వెళ్ళే అవకాశం ఉండడమే దాని ప్రత్యేకత. అలాంటి వాచీని తన సొంతం చేసుకోవాలని శివకు కవల సోదరుడైన ఆత్రేయ (సూర్య) ప్రయత్నిస్తూంటాడు. అలాంటి ప్రయత్నాల్లోనే కొన్ని అనూహ్య పరిస్థితుల్లో, శివ, ప్రియ ప్రాణాలు కోల్పోవడమే కాకుండా ఆ వాచీని, తమ కుమారుడిని ఎవరో తెలియని ఓ యువతి (శరణ్య) చెంత చేరుస్తారు.
26 ఏళ్ల తరువాత, తల్లి శరణ్యతో సంతోష జీవితం గడిపే మణి (సూర్య)కు తమ వద్ద ఉండే ఆ వాచీ గురించి తెలుస్తుంది. మణికి ఈ వాచీ దొరికిందన్న విషయం కూడా అప్పుడే 26ఏళ్ళు కోమాలో ఉండి బయటకొచ్చిన ఆత్రేయకు కూడా తెలుస్తుంది. ఆ తర్వాత ఏం జరిగింది? ఆ వాచీ ఎలా పనిచేస్తుంది? మణి దగ్గర వాచీ ఉందని తెలుసుకున్న ఆత్రేయ అతడ్ని ఏం చేశాడు? ఇలాంటి ప్రశ్నలన్నింటికీ సమాధానమే మిగతా కథ.

ప్లస్ పాయింట్స్ :

ఈ సినిమాకు ప్రధానమైన అనుకూలాంశం అంటే కథా ఆలోచన దగ్గర్నుంచి, చూస్తున్న ప్రతీ సన్నివేశం కట్టిపడేసేంత కొత్తదనంతో ఓ మాయలా ఉండడం గురించి చెప్పుకోవాలి. కాలంలో ముందుకు, వెనక్కి వెళ్ళడం అనే ఆలోచన తెలుగు సినిమాకు కొత్తది కాకపోయినా, ఈ సినిమాలో ఆ అంశం పక్కనబెడితే మిగతాదంతా చాలా కొత్తది. ఇలాంటి ఒక ప్రయత్నాన్ని ఇండియన్ సినిమా పరిస్థితులకు తగ్గట్టు చెప్పడం దర్శకుడిగా విక్రమ్ కుమార్ ఈ సినిమాలో చూపిన అద్భుతమైన ప్రతిభగా చెప్పుకోవాలి. ప్రతీ పావుగంటకు ఒక ట్విస్ట్, ప్రతీ సన్నివేశంలో కొత్త కొత్త ఆలోచనలు, పరిస్థితులు కల్పిస్తూ కథను ముందుకు నడిపే విధానం కట్టిపడేసేలా ఉంది.

ఇక ఈ సినిమాలో మూడు పాత్రలు చేసిన సూర్య సినిమానంతా తన ఈజ్‌తో మరింత ఉత్సాహంతో నడిపించాడు. శివ, ఆత్రేయ, మణి.. ఇలా ప్రతి పాత్రలోనూ సూర్య చూపిన నేర్పు, ఆయన నటనా స్థాయిని మరోసారి బలంగా పరిచయం చేసింది. నిత్యా మీనన్ ఉన్న కొద్దిసేపైనా చాలా బాగా నటించింది. సమంత తనకు అలవాటైన పాత్రలో బాగా నటించింది. చిన్న చిన్న ఎక్స్‌ప్రెషన్స్ కూడా సరిగ్గా పలికించడంలో సమంత ప్రతిభను ఈ సినిమాలో మరోసారి చూడొచ్చు. శరణ్య తన నటనతో ఆ పాత్ర స్థాయిని మరింత పెంచారు. ఇక ఆత్రేయ వెన్నంటి ఉండే మిత్ర అనే పాత్రలో అజయ్ నటన చాలా బాగుంది.

సినిమా పరంగా చూసుకుంటే, ఈ సినిమాలో ఇంటర్వెల్ బ్యాంగ్, ప్రీ క్లైమాక్స్, క్లైమాక్స్ ట్విస్ట్.. ఇలా పతాక సమయాలన్నింటిలో సినిమా కట్టిపడేసేలానే ఉందని చెప్పొచ్చు.

మైనస్ పాయింట్స్ :

ఈ సినిమాకు మైనస్ పాయింట్స్ అంటే మొదటగా పాటల గురించే చెప్పుకోవాలి. రహమాన్ అందించిన పాటలు, వాటి చిత్రీకరణా రెండూ బాగున్నా కూడా కథా గమనంలో ఆ పాటలు రావడం బాగోలేదు. అదేవిధంగా ఫస్టాఫ్‌లో వాచీ పనిచేసే అంశాన్ని ఎక్కువసార్లు చూపించినట్లు అనిపించింది. ఇక కాలంలో ముందుకు, వెనక్కి వెళ్ళడం సాధ్యమా? ఈ ఆలోచన చుట్టూ పరిస్థితులు ఎలా మారిపోతాయి? ఇలాంటి ప్రశ్నలేవీ లేకుండా ఈ సినిమాను చూడలేని వారికి సినిమా నచ్చకపోవచ్చు.

సాంకేతిక విభాగం :
సాంకేతిక అంశాల పరంగా చూస్తే, ఈ సినిమా అన్నివిధాలా ది బెస్ట్ అని చెప్పుకోవాలి. ముఖ్యంగా దర్శకుడు విక్రమ్ కుమార్ ప్రతిభ గురించి ఇక్కడ ఎంత మాట్లాడుకున్నా తక్కువే! ఇలాంటి కథా ఆలోచనను సినిమాగా తీయాలనుకోవడం, ఆ కథా ఆలోచనను ఇండియన్ సినిమా పరిస్థితులకు తగ్గట్టుగా మార్చుకుంటూ ఓ బలమైన స్క్రీన్‌ప్లే రాసుకోవడం, ఆ స్క్రీన్‌ప్లేతో టెక్నికల్‌గానూ ఎక్కడా కాంప్రమైజ్ అవ్వకుండా, అన్ని రకాల ఆలోచనలున్న ప్రేక్షకులకు అర్థమయ్యేలా సినిమా తీయడం.. ఇలా దర్శకుడిగా, రచయితగా ఈ సినిమాను విక్రమ్ కుమార్ మ్యాజిక్‌గా చెప్పుకోవచ్చు. తన సినిమాకు ముందే ఒక బ్రాండ్‌ను సెట్ చేసుకున్న విక్రమ్ కుమార్, ఈ సినిమాతో దాని స్థాయిని మరింత పెంచుకున్నాడు.

సినిమాటోగ్రాఫర్ తిరు పనితనం టెక్నికల్‌గా సినిమా స్థాయిని ఎక్కడికో తీసుకెళ్ళింది. ముఖ్యంగా కథ హార్సిలి వ్యాలీ నేపథ్యంలో నడిచేప్పుడు తిరు ప్రతిభను మెచ్చుకోకుండా ఉండలేం. ఏ.ఆర్.రహమాన్ అందించిన బ్యాక్‌గ్రౌండ్ స్కోర్‍కు ఎక్కడా వంక పెట్టలేం. ‘ప్రేమ పరిచయమే’, ‘కాలం నా ప్రేయసివే’, ‘లాలిజో’ పాటలు వినడానికి బాగున్నాయి. విజువల్ ఎఫెక్ట్స్ కూడా కథా పరిధి మేరకే ఉంటూ కట్టిపడేసేంత అద్భుతంగా ఉన్నాయి. ప్రవీణ్ పూడి ఎడిటింగ్ చాలా బాగుంది. ఎడిటింగ్ ఎఫెక్ట్స్‌తో కూడా సినిమాకు మంచి ఫీల్ వచ్చింది. తెలుగు డబ్బింగ్ వర్క్ కూడా చాలా బాగుంది. తన సొంత బ్యానర్‍లో సినిమా అంటే అది ఏ స్థాయిలో ఉంటుందో, సూర్య, నిర్మాణ విలువలతో పరిచయం చేశాడు.

తీర్పు :


కొత్తదనమున్న ఆలోచనకు, సినిమాకు ఏ భాషా సినీ పరిశ్రమలో అయినా ఎప్పుడూ ఆదరణ ఉంటుంది. అయితే ఆ ఆలోచనను ఓ కథగా, పూర్తి స్థాయి సినిమాగా, అప్పటి పరిస్థితులకు, ప్రేక్షకుడి ఆలోచనకు ఎలా కలుపుతుమాన్నదే ఇక్కడ ప్రధానాంశం. ’24’.. ఈ ప్రధానాంశాన్ని బాగా ఒడిసిపట్టుకొని, ఓ కొత్త ఆలోచనతో వచ్చిన కొత్తదనమున్న సినిమా. కథా ఆలోచనలో, కథనంలో, దర్శకత్వ అంశాల్లో. ఇలా అన్ని విషయాల్లో దర్శకుడు విక్రమ్ కుమార్ చూపిన అద్భుతమైన ప్రతిభే ఈ సినిమాకు ప్రధానమైన అనుకూలాంశం. ఇక దానికి సూర్య నటనా చాతుర్యం కలిసి సినిమాను మరో స్థాయికి తీసుకెళ్ళాయి. ఒక్క సందర్భం లేకున్నా వచ్చే పాటలు, కొద్దిగా సాగదీసిన రొమాంటిక్ ట్రాక్ తప్ప ఈ సినిమాకు ప్రతికూలాంశాలు పెద్దగా లేవు. చివరిమాటగా చెప్పాలంటే.. సినిమా అయిపోయి బయటకొచ్చాక, కొన్ని ప్రశ్నలను, వాటి వెంటే సమాధానాలనూ మోసుకొచ్చే సినిమాలు అరుదుగా వస్తాయి. ’24’.. అలాంటి అరుదైన ప్రయోగాత్మక సినిమాల్లో ఒకటి.

---రివ్యూ బై విజ్ఞాన్ దాసరి
మరింత సమాచారం కోసం
LIKE, FOLLOW & SUBSCRIBE us


Facebook          Twitter          YouTube          Blog          Google+

Saturday, April 23, 2016

రాజా ఎవరిమీద చేయ్యి వేసాడో... తేలుసా || Raha yevari meedha cheyyi vesaado... telusaa


రాజా ఎవరిమీద చేయ్యి వేసాడో... తేలుసా

నారా రోహిత్, ఇషా తల్వార్ జంటగా నటించిన చిత్రం ‘రాజా చెయ్యి వేస్తే’. తారకతన్న ఓ ప్రధాన పాత్రలో కనపడనున్నారు. ప్రదీప్ దర్శకుడిగా పరిచయమవుతున్న ఈ సినిమా సెన్సార్ కార్యక్రమాలను పూర్తి చేసుకుని యు/ఎ సర్టిఫికెట్ పొందింది. వారాహి చలన చిత్రంపై సాయి కొర్రపాటి నిర్మించిన ఈ సినిమాకి సాయి కార్తీక్ సంగీతం అందించారు. తారకరత్న విలన్ పాత్రలో నటిస్తుండటం, ఇప్పటికే విడుదల ప్రచార చిత్రాలు సినిమాపై అంచనాలను పెంచాయి. వరుస సినిమాలతో జోరు మీదున్న రోహిత్‌కి ఈ సినిమా ఎలాంటి ఫలితాన్ని మిగులుస్తుందన్నది, అస్సలు రాజా ఎవరిమీద చేయ్యి వేసాడో ఈ నెల 29 తేలనుంది.



మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

Friday, April 22, 2016

శోభన్‌ బాబు సినిమా మొదలైంది || Shobhan Babu movie started


శోభన్‌ బాబు సినిమా మొదలైంది

గోల్కొండ హైస్కూల్‌, తను నేను, చిత్రాల హీరో సంతోష్‌ శోభన్‌ కథానాయకుడిగా సింప్లీ జిత్‌ ప్రొడక్షన్స్‌ పతాకంపై క్రియేటివ్‌ డైరెక్టర్‌ కృష్ణవంశీ దగ్గర అసోసియేట్‌గా వర్క్‌ చేసిన శ్రీనివాస్‌ చక్రవర్తి దర్శకత్వంలో అభిజిత్‌ జయంతి ఓ యూత్‌ఫుల్‌ ఎంటర్‌టైనర్‌ను నిర్మిస్తున్నారు. ఈ చిత్రం షూటింగ్‌ జూన్‌ నుంచి స్టార్ట్‌ అవుతుంది. ఈ చిత్రంలో నటించే ఇతర నటీనటులు, సాంకేతిక నిపుణుల వివరాలు త్వరలోనే ప్రకటిస్తారు.


మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

సరైనోడు సినిమా రివ్యు || Sarainod Movie Review



సరైనోడు సినిమా రివ్యు || Sarainod Movie Review

TOLLY BEATS RATING: 3.25/5

మాస్ దర్శకుడు బోయపాటి శ్రీను దర్శకత్వంలో తెరకెక్కిన ఈ సినిమాను గీతా ఆర్ట్స్ పతాకంపై అల్లు అరవింద్ భారీ బడ్జెట్‌తో నిర్మించారు. బన్నీని పూర్తి స్థాయి మాస్ హీరోగా పరిచయం చేసే సినిమాగా ప్రచారం పొందిన ‘సరైనోడు’, ఆ టార్గెట్‌ను ఎంతవరకు రీచ్ అయ్యాడూ? తారాస్థాయిలో ఉన్న అంచనాలను అందుకోగలిగాడా? చూద్దాం...

కథ :
బార్డర్‍లో కంటే సమాజంలోనే ఎక్కువ సమస్యలున్నాయని చెప్పి, గన (అల్లు అర్జున్) తన మిలిటరీ ఉద్యోగాన్ని వదిలేసి హైద్రాబాద్‌లో కుటుంబంతో కలిసి జీవిస్తుంటాడు. బాబాయ్ (శ్రీకాంత్)తో కలిసి వ్యవస్థకు అందని నేరగాళ్లకు తన స్టైల్లో బుద్ధి చెప్పడమే గన పని. ఇదిలా సాగుతుండగానే, గన, తానుండే ఏరియాకి ఎమ్మెల్యే అయిన హన్షితా రెడ్డి (క్యాథరిన్ థ్రెసా)తో ప్రేమలో పడతాడు. హన్షితాతో గన పెళ్ళి ఫిక్స్ అవుతున్న సమయంలో, అతణ్ణి వెతుక్కుంటూ, కాపాడమని మహాలక్ష్మి (రకుల్ ప్రీత్) వస్తుంది.

మహాలక్ష్మి ఏ ఆపదలో ఉండి గన కోసం వచ్చింది? మహాలక్ష్మికి, గనకి సంబంధం ఏంటి? తన బ్యాక్‌గ్రౌండ్‌ని టచ్ చేస్తే, తనకు కావాల్సింది దొరక్కపోతే ఎంతకైనా తెగించే వైరం ధనుష్‌ (ఆది)కి మహాలక్ష్మి గ్రామానికి ఉన్న సంబంధం ఏంటి? వ్యవస్థ మొత్తాన్నీ తన చెప్పు చేతల్లో పెట్టుకున్న ధనుష్‌ని గన ఎలా ఎదిరించాడు? లాంటి ప్రశ్నలకు సమాధానమే మిగతా కథ.

ప్లస్ పాయింట్స్ :

ఈ సినిమాకు మేజర్ ప్లస్ పాయింట్ అంటే అల్లు అర్జున్‌ను పూర్తి స్థాయి మాస్ హీరోగా పరిచయం చేసేందుకు ఏయే అంశాలైతే అవసరమో వాటిని దర్శకుడు బోయపాటి సరిగ్గా వాడిన విధానం గురించి చెప్పుకోవచ్చు. ఇక ఇలాంటి ఒక మాస్ పాత్రలో నటించగలనని ఋజువు చేసుకున్న బన్నీ కూడా ఈ సినిమాకు హైలైట్స్‌లో ఒకరుగా చెప్పుకోవచ్చు. యాక్టింగ్‌లో, డైలాగ్ డెలివరీలో, స్టైల్‌లో అన్నింటా బన్నీ కట్టిపడేశాడు. ముఖ్యంగా యాక్షన్స్ సీక్వెన్సెస్, పాటల్లో బన్నీ స్టామినా ఏంటో ఈ సినిమాతో మరోసారి స్పష్టం అవుతుంది. ఇక సినిమాను చాలాచోట్ల తన ఈజ్‌, స్క్రీన్‌ ప్రెజెన్స్‌తో భుజాలపై మోసుకొచ్చాడనే చెప్పాలి.

విలన్ ఆది పినిశెట్టిని సినిమాకు మరో హైలైట్‌గా చెప్పుకోవచ్చు. హీరోగా బాగానే మెప్పిస్తోన్న ఆది, ఈ సినిమాలో విలన్‌గా చేసి సినిమాకు మంచి స్థాయి తీసుకొచ్చాడు. ముఖ్యంగా తక్కువ మాట్లాడుతూ, స్టైలిష్‌గా కనిపిస్తూనే ఈ స్థాయి విలనిజం చూపడంలో ఆది ప్రతిభ బాగుంది. పాటల చిత్రీకరణ ఈ సినిమాకు మరో ప్లస్ పాయింట్‌గా చెప్పుకోవచ్చు. హీరోయిన్లు ఇద్దరూ తమ తమ అందచందాలతో బాగా ఆకట్టుకుంటారు. రకుల్ ప్రీత్ సింగ్ ఎప్పట్లానే తాను మంచి నటినేనని మరోసారి నిరూపించుకుంది. ముఖ్యంగా ఇంటర్వెల్ బ్లాక్‍లో రకుల్ నటన చాలా బాగుంది. ఇక క్యూట్‌గా కనిపిస్తూనే, తన పాత్రకు నటన పరంగా క్యాథరిన్ థ్రెసా మంచి న్యాయం చేసింది. శ్రీకాంత్ తన పాత్రలో ఒదిగిపోయాడు. మిగతా వారంతా తమ పరిధిమేర బాగా నటించారు.

సినిమా పరంగా చూస్తే.. హీరో, విలన్‌ల ఇంట్రడక్షన్; వారిద్దరికీ ‘బ్యాక్‌గ్రౌండ్ చూస్తావా?’ అన్న కామన్ పాయింట్‌తో ఉన్న కనెక్షన్, ఇంటర్వెల్ బ్లాక్, సెకండాఫ్‌లో పర్ణశాల గ్రామంలో ఉండే ఓ కొత్తదనమున్న ఫైట్, బ్రహ్మానందం కామెడీ, వినడానికి, చూడ్డానికి బాగున్న పాటలను ప్లస్‌పాయింట్స్‌గా చెప్పుకోవచ్చు.

మైనస్ పాయింట్స్ :

ఈ సినిమాకు అసలైన మైనస్ పాయింట్ అంటే కథలో ఎక్కడా కొత్తదనం అన్నదే లేకపోవడం గురించి చెప్పుకోవాలి. హీరో, విలన్‌ల ఆలోచన విధానాల్లో ఉండే చిన్న కామన్ పాయింట్ మినహాయిస్తే పూర్తి కథ ఇప్పటికే చాలా సార్లు చూసి ఉన్నాం. అలాంటి ఓ సాదాసీదా కథలోనే వచ్చే హీరో-హీరోయిన్ల మధ్యన ప్రేమలో కూడా బలమైన ఎమోషన్ కరువైంది. అల్లు అర్జున్-క్యాథరిన్‍ల మధ్యన వచ్చే సన్నివేశాలు క్యూట్‌గానే ఉన్నా, లాజిక్ పరంగా చూస్తే, అవి తేలిపోతాయి. ఇక అల్లు అర్జున్-రకుల్ ప్రీత్‌ల జర్నీ కూడా లాజిక్ లేనట్టే సాగిపోతుంది. ఈ ఒక్క రెండు అంశాలే కాకుండా సినిమాలో చాలాచోట్ల లాజిక్ అన్న అంశానికి చోటు లేదు.

రెండున్నర గంటలకు పైగా చెప్పాల్సిన స్థాయి ఉన్న కథ కాకపోయినా సినిమాను అంత నిడివిలో చెప్పాలనుకోవడం ఓ మైనస్ పాయింట్‌గానే చెప్పుకోవాలి. అలాగే మాస్ అనే ఆంశాన్నే పట్టుకొని కొన్నిచోట్ల యాక్షన్ సీన్లలో అతి ఎక్కువ చేసినట్లు కనిపించింది. ఈ క్రమంలో హింస, రక్తం చాలా ఎక్కువయ్యాయి. ఇక ఫస్టాఫ్ స్థాయిలో సెకండాఫ్ లేకపోవడం వల్ల సెకండాఫ్ నుంచి ఎక్కువ ఎక్స్‌పెక్ట్ చేస్తే నిరుత్సాహం తప్పదు. వ్యవస్థలోని లోపాలను హీరో ఒంటిచేత్తో ఎదుర్కోవడమనే పాయింట్ మాస్ అంశంగా చూస్తే ఫర్వాలేదనిపించినా, ఓవరాల్‌గా చూస్తే ఇదంతా ఓవర్‌గా కనిపిస్తుంది. అదీకాకుండా హీరో మిలిటరీ ఉద్యోగాన్ని వదిలేసి ఎందుకు వచ్చాడన్న దానిపై కూడా పూర్తి క్లారిటీ ఉండదు.

సాంకేతిక విభాగం :

సాంకేతిక అంశాల పరంగా చూస్తే, ముందుగా దర్శకుడు బోయపాటి శ్రీను గురించి చెప్పుకోవాలి. బోయపాటి రాసుకున్న కథ పూర్తిగా కమర్షియల్ అంశాలనే నింపుకొని చెప్పుకోవాల్సినంత కొత్తగా ఏమీ లేదు. అయితే ఆ కమర్షియల్ అంశాలనే ప్రధానంగా చేసుకొని బోయపాటి అల్లిన మాస్ ఫైట్స్, కొన్ని ఎమోషనల్ సీన్స్ రచయితగా ఆయన మార్క్ చూపెడతాయి. ఇక దర్శకుడిగా బోయపాటికి ఓ స్పెషల్ మార్క్ ఉంది. ఈ సినిమాలో ఆయన మార్క్‌ని మళ్ళీ చూడొచ్చు. హీరోయిజంని ఎలివేట్ చేసే సన్నివేశాలతో పాటు కొన్ని ఎమోషనల్ సన్నివేశాల్లోనూ భోయపాటి ప్రతిభను చూడొచ్చు.

ఇక సంగీత దర్శకుడు థమన్ అందించిన పాటలు సినిమాకు హైలైట్స్‌లో ఒకటిగా చెప్పుకోవచ్చు. ఇప్పటికే పాటలన్నీ సూపర్ హిట్ కాగా, విజువల్స్‌తో కలిపి చూసినప్పుడు ఆ పాటల స్థాయి మరింత పెరిగిందనే చెప్పాలి. బ్యాక్‌గ్రౌండ్ మ్యూజిక్ పరంగానూ థమన్ బాగా ఆకట్టుకున్నాడు. రామ్-లక్ష్మణ్ రూపొందించిన ఫైట్స్‌ సినిమాకు మంచి మాస్ ఫీల్ తెచ్చిపెట్టాయి. రిషీ పంజాబి సినిమాటోగ్రఫీకి ఎక్కడా వంక పెట్టలేం. కోటగిరి వెంకటేశ్వర రావు ఎడిటింగ్ ఫర్వాలేదు. ఎం.రత్నం అందించిన డైలాగ్స్ కూడా బాగున్నాయి. అల్లు అరవింద్ ప్రొడక్షన్ వ్యాల్యూస్ గురించి ఎంత చెప్పినా తక్కువే!

తీర్పు :

తెలుగులో మాస్ సినిమా అంటే ముందే తయారు చేసి పెట్టుకున్న ఓ ఫార్మాట్ ఉంది. అల్లు అర్జున్‌ని పూర్తి స్థాయి మాస్ హీరోగా పరిచయం చేసే సినిమాగా ప్రచారం పొందిన ‘సరైనోడు’ కూడా అదే ఫార్మాట్‌ను నమ్ముకొని వచ్చిన మాస్ ఎంటర్‌టైనర్. ఫార్మాట్ ప్రకారమే సాగే సినిమా అయినా, పొందిగ్గా అల్లిన మాస్ ఎలిమెంట్స్; అదిరిపోయే హీరో, విలన్‌ల క్యారెక్టరైజేషన్, నటన; వినడానికి, చూడడానికి బాగున్న పాటలు; బన్నీ ఒక పూర్తి స్థాయి మాస్ హీరోగా నిలబడగలనని నిరూపించేలా తనని తాను మలుచుకున్న విధానం లాంటివి ఈ సినిమాకు మంచి ప్లస్ పాయింట్స్‌గా నిలుస్తాయి. ఇకపోతే కథ మరీ పాతది కావడం, లాజిక్ అన్న అంశానికి సినిమాలో పెద్దగా చోటన్నది లేకపోవడం, కాస్త లెంగ్త్ ఎక్కువవ్వడం లాంటివి ఈ సినిమాకు మైనస్ పాయింట్స్‌గా చెప్పుకోవాలి. ఒక్కమాటలో చెప్పాలంటే.. ఈ ‘సరైనోడు’, ఏయే అంశాలైతే చెప్పబోతున్నాడని ప్రచారం పొందాడో, ఆయా అంశాలనే చెప్పుకుంటూ వస్తూ ఓ మాస్ పంచ్ ఇస్తూ ఆకట్టుకోవడంలో చాలావరకు విజయం సాధించాడనే చెప్పాలి.



మరింత సమాచారం కోసం
LIKE, FOLLOW & SUBSCRIBE us



Facebook          Twitter          YouTube          Blog          Google+

నేను అన్నగారి అభిమానిని... CM KCR


నేను అన్నగారి అభిమానిని... CM KCR

నందమూరి బాలక్రిష్ణ 100వ చిత్రం "‎గౌతమీపుత్ర శాతకర్ణి‬" ప్రారంభొత్స వేడుక అట్టహాసంగా ప్రారంభమైంది. క్రిష్‬ దర్సకత్వం చేస్తున్న ఈ చిత్రం ప్రారంభోత్సవానికి అతీరధ మహారధులు వచ్చారు.

ఈ వేడుకకి వచ్చిన CM కేసిర్, తను మహా నటుడు అన్నగారి విరాభిమాని అని చెప్పారు. NTR ఘాట్ ఎప్పటికీ అన్నగారి పేరు మీదనే ఉంటుందని చెపారు. బాలయ్య నటిస్తున్న "‎గౌతమీపుత్ర శాతకర్ణి‬" సినిమాని అందరికంటే ముందుగా తనకు చుపించాలి అని బాలయ్యను కోరారు.


మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

సరైనోడు సరిగ్గానే ఉన్నాడు...

సరైనోడు సరిగ్గానే ఉన్నాడు...

స్టైలిష్ స్టార్ అల్లు అర్జున్, బోయపాటి శ్రీను కలయికలో ఎన్నో అంచనాలతో ఈరోజు విడుదలైన "సరైనోడు" కి మంచి స్పందన లభిస్తుంది. మెగా అభిమానులకి పండగలా ఉంది సినిమా. బ్రూస్లీ, సర్దార్ సినిమలు నిరుత్సాహ పరిచినా, సరైనోడు మాత్రం ప్రేక్షకులకి పండుగ వాతావర్ణం తీస్కొచింది.

సినిమా రివ్యూ అతి త్వరలో...


---రవి కిరణ్ మాదినీడి

మరింత సమాచారం కోసం
LIKE, FOLLOW & SUBSCRIBE us


Facebook          Twitter          YouTube          Blog          Google+

Wednesday, April 20, 2016

సరైనోడు సరిగ్గా లేడా...? Sarainodu sarigga leda... ?


సరైనోడు సరిగ్గా లేడా...?


మన తెలుగు సినీ పరిస్రమలో సెంటిమెంట్లకి చాలా ప్రాదాన్యం ఇస్తారు. సినిమా విడుదల తేదీ మారినా, రీ-షూట్ కి వెల్లినా పరిస్రమ జనాలకి, ప్రేక్షకులకి అంచనాలు, అభిప్రాయాలు మారిపొతాయి.

స్టైలిష్ స్టార్ అల్లు అర్జున్, బోయపాటి శ్రీను కలయికలో ఎన్నో అంచనాలతో వస్తున్న "సరైనోడు" ఈ నేల 22న విడుదల తేదీని ప్రకటించారు దర్సకనిర్మాతలు. ఐతే ఈ సరైనోడు ఆకరి నిమిషం లొ రీ-షూట్ కి వెల్లింది. రామోజి ఫిల్మ్ సిటీలొ రీ-షూట్ చేస్తున్నారు. సరైనోడు రెండొవ భాగంలో చాలా సన్నివేశాలు నిరుత్సాహపరిచాయట, అందుకే కొన్ని ముఖ్య సన్నివేశాలని మళ్ళీ చిత్రీకరిస్తున్నారు.

ఐతే ఇప్పుడు ఈ సరైనోడు అనుకున్న తేదీకి వస్తాడా లేదా...? సరైనోడు సరిగ్గా ఉంటుందా లేదా... ? అన్న అనుమానం అభిమానుల్లొ కలవరపెడుతుంది.




మరింత సమాచారం కోసం
LIKE, FOLLOW & SUBSCRIBE us

Facebook          Twitter          YouTube          Blog          Google+

Sunday, April 17, 2016

పోలీస్‌ సినిమా రివ్యు || POLICE Movie Review


పోలీస్‌ సినిమా రివ్యు


TOLLY BEATS RATING: 3.25/5

తమిళంలో భారీ స్థాయి అంచనాల మధ్య నిన్న విడుదలైన ఈ సినిమా నేడు తెలుగులో పోలీస్‌గా ప్రేక్షకుల ముందుకు వచ్చింది. అట్లీ దర్శకత్వంలో తెరకెక్కిన ఈ సినిమాను ప్రముఖ నిర్మాత దిల్‌రాజు తెలుగు విడుదల చేయడంతో ఈ సినిమాకు కొద్దికాలంగా మంచి క్రేజ్ వచ్చింది. మరి ఈ పోలీస్ డ్రామా ఎంతమేరకు ఆకట్టుకుందీ? చూద్దాం...

కథ :

జోసెఫ్ కురివిల్లా (విజయ్) కేరళలోని ఒక చిన్న ప్రాంతంలో తన కూతురు నివేదిత (బేబీ నైనిక)తో కలిసి సాధారణం జీవనం గడుపుతూ ఉంటాడు. ఏ ఇబ్బందులూ లేకుండా సాఫీగా సాగిపోతుందనుకున్న అతడి జీవితంలో కొన్ని అనుకోని పరిస్థితులు వచ్చిపడతాయి. ఆ పరిస్థితుల వల్లే నివేదిత స్కూల్ టీచర్ అయిన అనీ (అమీ జాక్సన్)కి జోసెఫ్, తన గత జీవితం గురించి తెలపాల్సి వస్తుంది.

హైద్రాబాద్‍లో నార్త్ జోన్‌కి డీసీపీగా పనిచేస్తూ, పవర్ఫుల్ పోలీసాఫీసర్‌గా పేరు తెచ్చుకున్న విజయ్ కుమార్, జోసెఫ్‌గా పేరు మార్చుకొని వేరేదో ప్రాంతానికి ఎందుకు వచ్చాడు? అతడి గత జీవితం ఏంటి? గత జీవితంలో అతడికి ఎవరితో శతృత్వం ఉంది? ఆ శతృత్వం వల్ల అతడి భార్య మిత్ర (సమంత), తల్లి రాధికలు ఏమయ్యారు? లాంటి ప్రశ్నలకు సమాధానమే ఈ సినిమా.

ప్లస్ పాయింట్స్ :

ఈ సినిమాకు మేజర్ ప్లస్ పాయింట్ అంటే మొదట్నుంచీ చివరివరకూ అద్భుతమైన ఎమోషన్స్ క్యారీ అవుతూ ఉండడమనే పాయింట్ గురించి చెప్పాలి. ఒక కూతురితో ప్రశాంత జీవితం గడిపే తండ్రి ప్రయాణం; తల్లి, భార్యలతో అందంగా సాగిపోయే అతడి గత జీవిత ప్రయాణం, వృత్తి రీత్యా చూసే కొన్ని తట్టుకోలేని సంఘటలు.. ఇలా ఈ ప్రయాణాల చుట్టూ ఉన్న ఎమోషన్ కట్టిపడేసేలా ఉంటుంది. సినిమా పరంగా ఈ ఎమోషన్సే హైలైట్ అవుతూ సినిమాను నిలబెడుతూ వస్తుంటాయి. ఇంటర్వెల్ బ్లాక్ సినిమాకే మేజర్ హైలైట్. హీరోయిజంతో పాటు అసలు కథలోని ఎమోషన్‌ని తారాస్థాయికి తీసుకెళ్ళే ఈ సన్నివేశం గురించి ఎంత చెప్పినా తక్కువే. క్లైమాక్స్‌లో వచ్చే కొన్ని డైలాగ్స్ ఈ సినిమా సలు పాయింట్‌ను కొత్త కోణంలో పరిచయం చేయడం బాగుంది.

హీరో విజయ్ సినిమాను పూర్తిగా తన భుజాలపై మోసుకొచ్చాడు. డిఫరెంట్ షేడ్స్ ఉన్న పాత్రలో విజయ్ ఒదిగిపోయి నటించాడు. ఇక ఆయన ఫ్యాన్స్‌ని సంతృప్తి పరచేలా రూపొందించిన సన్నివేశాల్లో విజయ్ మాస్ పవర్ చూడొచ్చు. విజయ్ తర్వాత ప్రఖ్యాత తమిళ దర్శకుడు మహేంద్రన్ నటనను ఈ సినిమాకు మరో హైలైట్‌గా చెప్పుకోవచ్చు. ఎక్కువగా మాట్లాడకుండా చాలా కూల్‌గా ఉంటూనే ఎంతో వయలెంట్‌గా కనిపించేలా దర్శకుడు ఆ పాత్రను రూపొందించిన తీరు, దాన్ని మహేంద్రన్ పోషించిన విధానానికి వంకబెట్టలేం. సమంత ఎప్పట్లానే తనదైన యాక్టింగ్‌తో కట్టిపడేసింది. అమీ జాక్సన్‍ది చిన్న పాత్రే అయినా బాగా నటించింది. బేబీ నైనికా తన పాత్రకే ఓ అందాన్ని తెచ్చిపెట్టుకుంది. రాధికా, ప్రభు, రాజేంద్రన్.. తదితర నటీనటులంతా తమ పరిధిమేర బాగా నటించారు.

మైనస్ పాయింట్స్ :

ఈ సినిమాకు మైనస్ పాయింట్ అంటే, సినిమాకు హైలైట్ అయిన ఎమోషన్స్ అన్నింటినీ కలిపేందుకు రాసిన కథ చాలా సార్లు చూసిందే కావడం. ఇలాంటిదే పోలీస్ కథకు ఫ్యామిలీ ఎలిమెంట్స్‌ను కలిపి గౌతమ్ మీనన్ రూపొందించిన ‘ఎంతవాడు గానీ..’ సినిమాకు, ‘పోలీస్’కు చాలా పోలికలున్నాయి. సూపర్ ఫస్టాఫ్ తర్వాత సినిమా అంతా ఒక పద్ధతిలో సాగకుండా ఏవేవో అంశాలను ఫోకస్ చేస్తూ కాస్త పక్కదారి పట్టినట్టు అనిపుస్తూంటుంది. పాటలు అంతంతమాత్రమే ఉండగా, అవి వచ్చే సందర్భాలు కూడా పెద్దగా ఆకట్టుకునేలా లేవు.

అదేవిధంగా సినిమా వెళితే పూర్తిగా ఒకే ట్రాక్‌లోకి వెళ్ళిపోవడం చూస్తే, ఎపిసోడ్స్ చూస్తున్నట్టుగా ఉంటుంది. అయితే పూర్తిగా ఫ్యామిలీ, లేదంటే పూర్తిగా పోలీస్ లైఫ్.. ఇలా బ్లాక్‌లుగా కథ చెప్పడం అంత బాగోలేదు. ఒక పాయింట్ తర్వాత సినిమా రివెంజ్ డ్రామాను మాత్రమే చెప్తున్న ఫీలింగ్ తేవడం కూడా అసలు కథను పక్కదారి పట్టించింది.

సాంకేతిక విభాగం :

సాంకేతిక అంశాల పరంగా చూస్తే, ముందుగా దర్శకుడు అట్లీ గురించి చెప్పుకోవాలి. ఒక సూపర్ స్టార్ సినిమా నుంచి ఏయే అంశాలైతే ప్రేక్షకులు కోరుకుంటారో ఆయా అంశాలన్నీ చెప్తూనే, ఎమోషన్‌ను ఎక్కడా పడిపోకుండా దర్శకుడు జాగ్రత్తపడ్డాడు. ఆయా ఎమోషన్స్‌ను పండించిన విధానం, ఇంటర్వెల్, క్లైమాక్స్‌లలో దర్శకుడి ప్రతిభ చాలా బాగుంది. కథ పరంగా ఎప్పటికీ బలమైనదే అయిన రొటీన్ కథను ఎంచుకున్నా, దాన్ని పూర్తిస్థాయి సినిమాగా మలచడంలో రచయితగా కొన్నిచోట్ల తడపడ్డాడు.

సాంకేతిక అంశాల పరంగా సినిమాటోగ్రాఫర్ జార్జి సి. విలియమ్స్ ప్రతిభను మరో హైలైట్‌గా చెప్పుకోవచ్చు. భిన్నమైన ఎమోషన్స్‌ను, నేపథ్యాన్ని, కథ రీత్యా వచ్చే మార్పులను సినిమాటోగ్రఫీ పరంగానూ ఎలివేట్ చేయడం బాగుంది. జీ.వీ.ప్రకాష్ పాటలు పెద్దగా ఆకట్టుకునేలా లేవు. బ్యాక్‌గ్రౌండ్ మ్యూజిక్ మాత్రం అదిరిపోయేలా ఉంది. మాస్ సన్నివేశాలను జీవీ మ్యూజిక్ మరింత ఎత్తుకి తీసుకెళ్ళాయి. ఎడిటింగ్ పద్ధతిగా బాగుంది. కళైపుళి థాను ప్రొడక్షన్ వ్యాల్యూస్ గురించి ఎంత చెప్పినా తక్కువే. తెలుగు వర్షన్ కోసం దిల్‌రాజు తీసుకున్న జాగ్రత్తలు చాలా బాగున్నాయి. ఎక్కడా తమిళ సినిమా అనే ఫీల్ రాకుండా చేయగలిగారు.

తీర్పు :

పోలీస్ కథంటే.. ఆ నేపథ్యాన్ని మాత్రమే చూపిస్తూ, ఒక్క కోణాన్నే చెప్పే కథలు ఒక రకం. అదే పోలీస్ కథకు వ్యక్తిగత జీవితాన్ని, కుటుంబ నేపథ్యాన్ని జతచేసి ఓ ఎమోషనల్ జర్నీని కూడా చెప్పడం మరో రకం. ‘పోలీస్’ అంటూ వచ్చిన విజయ్ కొత్త సినిమా.. రెండో రకం పోలీస్ డ్రామా. సినిమా ఆసాంతం కట్టిపడేసేలా సాగిపోయే ఎమోషన్స్, కొన్ని మాస్ ఎలిమెంట్స్, కొత్తగా కనిపించే ఇంటర్వెల్, క్లైమాక్స్, విజయ్ వన్ మ్యాన్ షో, సమంత యాక్టింగ్ లాంటి హైలైట్స్‌తో వచ్చిన ఈ సినిమాలో కథ ఇప్పటికే చాలాసార్లు చూసింది కావడం, సెకండాఫ్‌లో ఫస్టాఫ్ స్థాయిలో లేకపోవడం, అసందర్భంగా వచ్చే ఆకట్టుకోని పాటలు లాంటివి ప్రతికూలాంశాలు. ఒక్క మాటలో చెప్పాలంటే.. ఎక్కడా ఒక తమిళ సినిమా చూస్తున్నామనే ఫీలింగ్ కల్పించని ఈ సినిమాను ఇదివరకు చూసిన కథైనా ఎప్పటికీ కొత్తగా కనిపించే ఎమోషన్స్ కోసం ఓసారి చూడొచ్చు.



---రివ్యూ బై విజ్ఞాన్ దాసరి

మరింత సమాచారం కోసం
LIKE, FOLLOW & SUBSCRIBE us






ఓ మల్లి సినిమా రివ్యు || Oo Malli movie Review


ఓ మల్లి  సినిమా రివ్యు

TOLLY BEATS RATING: 2.75/5

దాదాపు రెండు సంవత్సరాల క్రితమే సినిమా పూర్తి అయినా విడుదల వాయిదా పడుతూ వచ్చిన సినిమా ’ఓ మల్లి’. నటిగా, ఐటం గాళ్‌గా, వ్యాంప్‌ పాత్రల్లో నటిస్తూ దాదాపు దశాబ్దం పైగా సినిమాల్లో ఉన్న రమ్యశ్రీ దర్శకత్వం వహించిన ఈ సినిమా నేడు ప్రేక్షకుల ముందుకు వచ్చింది. మరి ఈ సినిమా ప్రేక్షకులను ఆకట్టుకుందో లేదో చూద్దాం...

కథ :
ఈ కథ మొత్తం మల్లి (రమ్యశ్రీ) అనే అమ్మాయి చుట్టూ తిరుగుతుంది. ఇక కథలోకి వెళితే.. అరకులోయలోని ఓ గూడెంలో ఉండే మల్లి తండ్రి పెంపకంలో పెరుగుతుంది. తండ్రి నారిగాడు (యల్. బి. శ్రీరాం) ఓ తాగుబోతు. అయినా కూతురు అంటే ప్రేమ ఉన్నోడు. తనకి పెళ్లి చేయాలని అనుకుంటూ ఉంటాడు. అదే గూడెంలో ఉన్న సింగడు అనే వాడి కన్ను మల్లిపై పడుతుంది. నారిగాడికి బాగా సారా తాగించి తన ఇంటికి పెళ్లి పెత్తనం కోసం వెళతాడు. మత్తు దిగిన నారిగాడు సింగడిని అవమానించి పంపించివేస్తాడు. అవమానంతో అక్కడిని నుండి వెళ్ళిపోయినా సింగడు అవకాశం కోసం ఎదురుచూస్తుంటాడు. ఓ సారి మల్లిపై అత్యాచారయత్నం చేయబోగా అందరూ కలిసి పట్టుకుని గూడెంలో పంచాయితీ పెట్టి సింగడికి గుండు గీయించి గూడెం నుంచి వెలివేస్తారు.

కల్తీసారా తాగి నారిగాడు మరణిస్తాడు. మల్లి ఒంటరిదైపోతుంది. మల్లిని చూసిన పక్కనే ఉండే మరో గూడెంకి చెందిన రాములయ్య(రఘబాబు), మల్లిని పెళ్లి చేసుకోవాలనుకుని తన తల్లికి ఇష్టం లేకపోయినా ఒప్పించి గూడెం పెద్దల సహాకారంతో పెళ్లి చేసుకుని సంతోషంగా జీవిస్తుంటాడు. అనుకోకుండా కల్తీసారా త్రాగడంతో రాములయ్యకు పక్షవాతం వచ్చి కాళ్ళు, చేతులు పడిపోవడంతో మల్లి చిన్నచిన్న కొయ్యబొమ్మలు తయారుచేసుకుని తన భర్తను చూసుకుంటుంది. ఆ ప్రయత్నంలోనే రైల్వేటికెట్ కలెక్టర్ అయిన రవి (ఆకాష్) మల్లిని చూస్తాడు. మల్లిని ఇష్టపడతాడు. ఆ తరువాత ఏం జరిగింది? అనేది మిగతా కథ. రవి కారణంగా మల్లి జీవితం ఎటువంటి మలుపులు తిరిగింది? తనవల్ల అవమానానికి గురైన సింగడు ఏమయ్యాడు? అన్నది మిగతా కథ.

ప్లస్ పాయింట్స్ :
ఈ సినిమాకి కథ, స్క్రీన్ ప్లే, దర్శకత్వంతో పాటు అందులో ప్రధాన పాత్ర అయిన మల్లిగా నటించిన బి. రమ్యశ్రీనే ఈ సినిమాకి ప్రధాన ప్లస్ పాయింట్. ఇటువంటి కథతో సినిమా చేయడం పూర్తిగా సాహసం అనే చెప్పాలి. మల్లిగా తనని తాను పూర్తిగా మార్చుకుని నటించడంతో పాటు, ఇతర నటీనటుల నుంచి నటనను రాబట్టుకోవడంలో కూడా దర్శకురాలిగా రమ్యశ్రీ మంచి మార్కులు కొట్టేసిందని చెప్పవచ్చు. ఇక సినిమాలోని
మిగిలిన నటీనటుల విషయానికి వస్తే.. మల్లి తండ్రి పాత్రలో నటించిన యల్ బి శ్రీరాం ఉన్నది కొద్దిసేపే అయినా ఆకట్టుకుంటాడు. తరువాత మల్లి భర్తగా నటించిన రఘుబాబు పక్షవాతం వచ్చిన వాడి పాత్రలో మెప్పించాడు. ఆకాష్ ఉన్నంతలో పర్వాలేదు. జయవాణితో సహా మిగతా నటీనటులు తమదైన శైలిలో నటించి అకట్టుకున్నారు. సినిమా పరంగా చూస్తే సెకండాఫ్ బాగుంది. ఈ పార్ట్‌లో వచ్చే కొన్ని ఎమోషనల్ సన్నివేశాలు బాగా ఆకట్టుకుంటాయి.

మైనస్ పాయింట్స్ :

కథ ఎక్కడో చూసినట్టు అనిపించినా కొత్తగా తీయడానికి దర్శకురాలు ప్రయత్నించకపోవడం, అలాగే అక్కడక్కడా వచ్చే కొన్నిసన్నివేశాలు ఇది వరకు ఎప్పుడో చూసినట్లు అనిపించడం మైనస్ పాయింట్స్‌గా చెప్పుకోవచ్చు. కథనంలో అస్సలు ఊపు లేకపోవడం వలన ఊహించిందే జరుగుతోంది అని ప్రేక్షకులు అనుకుంటారు. అలాగే సందర్భం లేకుండా వచ్చే పాటలు చూడటానికి బాగున్నా, అసహనానికి గురిచేస్తాయి.

ఆర్థిక లేమి వలన అక్రమ సంబంధాలు పెట్టుకుంటున్న స్త్రీల గురించి హాస్యంగా చిత్రీకరించడంతో సన్నివేశ ఔచిత్యంతో పాటు, దర్శకురాలు చెప్పాలనుకున్న అంశం కూడా పక్కదారి పట్టింది. అలాగే ఈ సినిమాకి ఇచ్చిన పబ్లిసిటీ వలన ఏదో ఊహించుకుని థియేటర్లలోకి వచ్చే ప్రేక్షకులకు అటువంటి అంశాలు కాకపోవడంతో అసహనానికి గురి అవుతారు. ఇక ఓ ప్రత్యేక కథాంశంతో తెరకెక్కిన సినిమా కావడం, పబ్లిసిటీని అందుకు విరుద్ధంగా చేయడం లాంటివి ఈ సినిమాకు మైనస్‌గా చెప్పుకోవచ్చు.

సాంకేతిక విభాగం :

సాంకేతికంగా ఈ సినిమాకి బాగా తోడ్పడిన విభాగాలు కొన్ని ఉన్నాయి. నిర్మాణ పరంగా చిన్న సినిమా అయినా ఏ సాంకేతిక అంశాల పరంగా సినిమా బాగుంది. ఒక్కొక్కదాని గురించి మాట్లాడుకుంటే.. రమ్యశ్రీ ఎంచుకున్న కథాంశం, దానికి తగ్గ నేపథ్యం చాలా బాగున్నాయి. కానీ పూర్తి కథను రాసుకున్న విధానం మాత్రం చాలా సాధారణంగా ఉంది. కథ సాధారణంగా ఉన్నా ఎక్కడా విసిగించకపోవడం దర్శకురాలు రమ్యశ్రీ సాధించిన విజయంగా చెప్పుకోవచ్చు. ఇక మిగిలిన వాటిల్లో కె.దత్తు సినిమాటోగ్రఫీ బాగుంది. అరకులోయ అందాలను అద్భుతంగా చూపించాడు.
సునీల్ కశ్యప్, బి.ఎస్.కృష్ణమూర్తి అందించిన పాటలు బాగున్నాయి. నేపథ్య సంగీతం సినిమాలోని చాలా సన్నివేశాలకు ప్రాణం పోసింది. వి. నాగిరెడ్డి ఎడిటింగ్ బావుంది. ఈ సినిమాలో మరింత ప్రత్యేకంగా చెప్పుకోవాల్సింది కళా దర్శకత్వం గురించి.. కళాదర్శకుడి పనితనం చెప్పుకోదగ్గ స్థాయిలో ఉంది. సహజత్వానికి దగ్గరగా ఉండేలా ప్రతీ లొకేషన్ కి తీర్చిదిద్దారు. ఇక మాటల గురించి ప్రత్యేకంగా చెప్పుకోవాలి… చాలా సాధారణంగా ఉంటూనే హృదయానికి హత్తుకునే విధంగా మాటలు రాశారు. సహజత్వానికి దగ్గరగా భాష, యాసలపై ప్రత్యేక శ్రద్ధ తీసుకోవడం ఆకట్టుకునే అంశం. నిర్మాణ విలువలు బాగున్నాయి.

తీర్పు :

స్త్రీ ఆలోచనా విధానంతో, అర్థం చేస్కోవడం, అపార్థం చేసుకోవడం లాంటి అంశాలను ప్రస్తావిస్తూ స్త్రీలను సమాజం ఏ కోణంలో చూస్తుందే చెప్పే ప్రయత్నం చేసిన సినిమా ‘ఓ మల్లి’. కమర్షియల్ సినిమా పంథాకు దూరంగా, సమాంతర సినిమాలకు దగ్గరగా ఉన్న సినిమా ఇది. రమ్యశ్రీ నటన, చెప్పాలనుకున్న అసలు కథ, ఆకట్టుకునే ఓ ఎమోషనల్ జర్నీ తదితర అంశాలను హైలైట్స్‌గా నింపుకొని వచ్చిన ఈ సినిమాలో పూర్తి కథను ఆకట్టుకునేలా చెప్పలేకపోవడం, సినిమాకు సంబంధం లేని తరహా అంశాలతో ప్రచారం చేయడం, సెకండాఫ్‌లో కథను కాస్త పక్కదారి పట్టించడం లాంటివి మైనస్ పాయింట్స్‌గా చెప్పుకోవచ్చు. ఒక్క మాటలో చెప్పాలంటే.. రమ్యశ్రీ చెప్పాలనుకున్న ప్రధాన అంశం కోసం, రియలిస్టిక్ సినిమాలను బాగా ఇష్టపడివారు ఈ సినిమా చూడొచ్చు.



---రివ్యూ బై విజ్ఞాన్ దాసరి

మరింత సమాచారం కోసం
LIKE, FOLLOW & SUBSCRIBE us

Facebook: https://www.facebook.com/Tollybeatsmedia/

Twitter: https://twitter.com/BeatsTolly

YouTube: https://www.youtube.com/channel/UCmc5YqKIfIWK5pdLCqLJv6w

Blog: http://tollybeatsmedia.blogspot.in

Google+: https://plus.google.com/u/0/112797037583980613598

Thursday, April 14, 2016

ఈడో రకం ఆడో రకం సినిమా రివ్యు


ఈడో రకం ఆడో రకం సినిమా రివ్యు



TOLLY BEATS RATEING: 3.75

హీరోగా, నిర్మాతగా రాణిస్తోన్న మంచు విష్ణు, కెరీర్ ప్రారంభంలోనే హ్యాట్రిక్ హిట్స్‌తో హీరోగా ఓ గుర్తింపు తెచ్చుకున్న రాజ్ తరుణ్‍ల కాంబినేషన్‌లో తెరకెక్కిన కామెడీ ఎంటర్‌టైనర్ ‘ఈడో రకం ఆడో రకం’. కన్ఫ్యూజన్‌నే కామెడీ అంశంగా చేసుకొని తెరకెక్కిందన్న ప్రచారం పొందిన ఈ సినిమా నేడు ప్రేక్షకుల ముందుకు వచ్చింది. మరి ఈ కన్ఫ్యూజన్ కామెడీ ఎంతవరకు ఆకట్టుకుందీ? చూద్దాం...

కథ :

అర్జున్ (మంచు విష్ణు), అశ్విన్ (రాజ్ తరుణ్).. ఇద్దరూ అల్లరిచిల్లరగా తిరుగుతూ కాలం వెళ్ళదీసే బెస్ట్ ఫ్రెండ్స్. ఓ ఫ్రెండ్ పెళ్ళిలో అర్జున్, నీలవేణి (సోనారిక) అనే అమ్మాయిని చూసి ప్రేమలో పడతాడు. నీలవేణిని ప్రేమలో పడేసేందుకు అర్జున్, ఆమెతో తాను అనాథననే అబద్ధం చెప్పాల్సి వస్తుంది. ఈ ఒక్క అబద్ధం అర్జున్, అశ్విన్‌ల కథను ఎన్నో మలుపులు తిప్పుతుంది.
ఈ కథ ఇలాంటి మలుపులు తిరుగుతున్నప్పుడే కొన్ని అనుకోని పరిస్థితుల్లో అశ్విన్, నీలవేణికి భర్తగా; అర్జున్, అశ్విన్ ప్రేమించిన అమ్మాయి సుప్రియ (హెబ్బా పటేల్)కి భర్తగా పరిచయం అవ్వాల్సి వస్తుంది. ఒకే ఇంట్లో ఉంటూ ఇలాంటి విచిత్రమైన పరిస్థితులను ఈ ఇద్దరూ ఎలా ఎదుర్కున్నారు? చివరికి వీరి కథలకు ఎలా శుభం కార్డ్ పడిందీ అన్నది సినిమా.

ప్లస్ పాయింట్స్ :

కన్ఫ్యూజన్ కామెడీని ఈ సినిమాకు మేజర్ హైలైట్‌గా చెప్పుకోవచ్చు. లాజిక్‌తో సంబంధం లేకున్నా సరదాగా నవ్వించేలా చేసే ఈ కన్ఫ్యూజన్ కామెడీయే సినిమాను ప్రధానంగా నిలబెట్టిన అంశం. ఫస్టాఫ్‌లో మొదలయ్యే ఈ కన్ఫ్యూజన్‌కు సెకండాఫ్‌లో మరో కన్ఫ్యూజన్‌ను జతచేసి చేసిన ఈ ప్రయత్నం చాలాచోట్ల నవ్వులు పూయిస్తుంది. ముఖ్యంగా ఈ ప్రయాణంలో లాయర్ నారాయణ పాత్ర ద్వారా పుట్టుకొచ్చే కామెడీ సినిమాకు హైలైట్స్‌లో ఒకటిగా చెప్పాలి. ఈ పాత్రలో రాజేంద్ర ప్రసాద్ తనదైన టైమింగ్, డైలాగ్ డెలివరీతో చాలా చోట్ల నవ్విస్తారు. ఇంటర్వెల్ బ్యాంగ్ చాలా బాగుంది. అప్పటివరకూ అలా అలా సరదాగా సాగిపోయిన ఫస్టాఫ్‌కు ఇంటర్వెల్‌తో మంచి స్థాయి వచ్చింది.

అశ్విన్ పాత్రలో రాజ్ తరుణ్ ఎప్పట్లానే తన ఎనర్జీని చూపిస్తూ చాలా బాగా నటించాడు. డైలాగ్ డెలివరీలో రాజ్ తరుణ్ ప్రతిభ స్థాయి ఏంటన్నది ఈ సినిమా మరోసారి ఋజువుచేసింది. మంచు విష్ణు అర్జున్ పాత్రలో ఒదిగిపోయి మంచి కామెడీ టైమింగ్‌తో నటించారు. ముఖ్యంగా అక్కడక్కడా మోహన్ బాబు స్టైల్లో చెప్పిన డైలాగ్స్ బాగా ఆకట్టుకుంటాయి. సోనారిక, హెబ్బా పటేల్ ఇద్దరూ బాగానే నటించారు. ఈ ఇద్దరి అందాల ప్రదర్శన ఈ తరహా అంశాలను కోరుకునేవారికి బాగా నచ్చుతుంది. టైటిల్ సాంగ్, కొక్కో కోడి పాటలు వినడానికి, పిక్చరైజేషన్ పరంగానూ బాగున్నాయి.

మైనస్ పాయింట్స్ :

ఈ సినిమాకు మేజర్ మైనస్ పాయింట్ అంటే ఒకట్రెండు చోట్ల తప్ప కథలో బలమైన ఎమోషన్ ఎక్కడా లేకపోవడం గురించే చెప్పాలి. కథలో కన్ఫ్యూజన్‌కి, దాన్నుంచి పుట్టుకొచ్చే కామెడీతో పాటు ఎమోషన్‌కి కూడా చాలా స్కోప్ ఉన్నా ఎక్కడా ఆ అంశాన్ని పెద్దగా పట్టించుకోలేదనే చెప్పాలి. ఇక బాగా నవ్వించిన ఫస్టాఫ్‌ తర్వాత వచ్చే సెకండాఫ్‌లో అక్కడక్కడా సినిమా కాస్త పక్కదారి పట్టి బోరింగ్ అనిపిస్తుంది. క్లైమాక్స్ కూడా పెద్దగా ఆకట్టుకునేలా లేదు. క్లైమాక్స్ ఫైట్‌కు సినిమా అసలు కథకు సంబంధమే లేదు.

ఇక ఇలాంటి కన్ఫ్యూజన్ కామెడీతోనే వచ్చిన పాతకాలం తెలుగు సినిమాలతో పోల్చి చూస్తే ఈ సినిమా తేలిపోతుంది. గతంలో ఎస్వీ కృష్ణారెడ్డి దర్శకత్వంలో వచ్చిన ‘పెళ్ళాం ఊరెళితే’, ‘హంగామా’ లాంటి సినిమాలు ఇదే అంశం ప్రధానంగా వచ్చాయి. ఆ సినిమాలను చూసిన వారికి ఈ సినిమాలో కట్టిపడేసేంత కామెడీ లేదనిపిస్తుంది. ఇక కొన్ని పూర్తిగా అక్రమ సంబంధం అన్న ఆలోచన కల్పించేలా వచ్చే సన్నివేశాలు కథ పరంగానే కాకుండా, ఫక్తు కామెడీ అంశంగా చూసినా చిరాకు తెప్పిస్తాయి. ఇలాంటి సన్నివేశాలకు పూర్తిగా అవకాశమే ఇవ్వకుండా ఉండాల్సింది.

సాంకేతిక విభాగం :

సాంకేతిక అంశాల పరంగా చూస్తే, ముందుగా దర్శకుడు నాగేశ్వర్ రెడ్డి గురించి ప్రస్తావించుకోవాలి. కన్ఫ్యూజన్ కామెడీనే ప్రధాన అంశంగా చేసుకొని, ఓ తెలిసిన కథతోనే ఆయన చేసిన ఈ ప్రయత్నాన్ని కామెడీ పరంగానే చూస్తే దర్శకుడిగా విజయం సాధించాడనే చెప్పుకోవచ్చు. అయితే కథలో ఎమోషన్‌కి ఎక్కడా చోటివ్వకపోవడంతో సినిమా కేవలం కామెడీ ప్రయత్నంగానే మిగిలిపోయింది. క్యారెక్టర్స్ డిజైన్ చేయడంలో దర్శకుడి ప్రతిభ బాగుంది.

సాయి కార్తీక్ సంగీతం బాగుంది. టైటిల్ సాంగ్, కొక్కో కోడి పాటలు వినడానికి బాగున్నాయి. బ్యాక్‌గ్రౌండ్ మ్యూజిక్ కూడా బాగుంది. సినిమాటోగ్రఫీ బాగుంది. ఒకే ఇంట్లో జరిగే కథను సినిమాటోగ్రాఫర్ బాగానే క్యాఫ్చర్ చేశారు. అయితే సినిమాటోగ్రఫీ పరంగా చెప్పుకోదగ్గ స్థాయిలో కట్టిపడేసే సన్నివేశాలు లేవు. ఎడిటింగ్ ఫర్వాలేదనేలా మాత్రమే ఉంది. ఏకే ఎంటర్‌టైన్‍మెంట్స్ ప్రొడక్షన్ వ్యాల్యూస్ బాగున్నాయి.

తీర్పు :

‘ఈడో రకం-ఆడో రకం’.. కన్ఫ్యూజన్ కామెడీయే ప్రధానాంశంగా ప్రచారం పొందుతూ వచ్చిన ఈ సినిమాను నిలబెట్టేది కూడా ఈ అంశమే! మొదట్నుంచీ చివరి వరకూ చాలాచోట్ల నవ్వించే సన్నివేశాలను కలుపుకొని సాగిపోయే ఈ కన్ఫ్యూజన్ కామెడీ, చెప్పాలనుకున్న విషయాన్ని చెప్పడంలో విజయం సాధించింది. మంచు విష్ణు, రాజ్ తరుణ్‌, రాజేంద్ర ప్రసాద్‍ల కామెడీ టైమింగ్, హీరోయిన్ల అందచందాలు, రెండు మాస్ పాటలను హైలైట్స్‌గా నింపుకున్న ఈ సినిమాకు, అసలు కథలో ఎమోషన్ అన్నది లేకపోవడం, సెకండాఫ్‌లో సినిమా కాస్త నెమ్మదించడం, క్లైమాక్స్ ఫైట్ లాంటివి ప్రతికూల అంశాలు. ఒక్కమాటలో చెప్పాలంటే.. కాసేపు అలా లాజిక్ లాంటి అంశాలను పక్కనబెట్టి, సరదాగా నవ్వుకునే కామెడీ ప్రయత్నంగా ఈ సినిమాను చూస్తే వీడూ, వాడూ ఇద్దరూ బాగా నవ్వించి ఆకట్టుకుంటారు.

---రివ్యూ బై విజ్ఞాన్ దాసరి

మరింత సమాచారం కోసం
LIKE, FOLLOW & SUBSCRIBE us

Facebook: https://www.facebook.com/Tollybeatsmedia/

Twitter: https://twitter.com/BeatsTolly

YouTube: https://www.youtube.com/channel/UCmc5YqKIfIWK5pdLCqLJv6w

Blog: http://tollybeatsmedia.blogspot.in

Google+: https://plus.google.com/u/0/112797037583980613598